ვენეცია დაიტბორა - ქუჩები და ისტორიული ადგილები წყლით არის დაფარული
ვენეციაში წყალდიდობაა - წყლის დონე რეკორდულ მაჩვენებელს მიუახლოვდა. "ევრონიუსის" ინფორმაციით, მერმა საგანგებო მდგომარეობა გამოაცხადა, ის ფიქრობს, რომ სტიქია კლიმატის ცვლილებებს უკავშირდება.
„ეს კლიმატური ცვლილების შედეგია, ძალიან ძვირად დაგვიჯდება,“ - დაწერა ლუიჯი ბრუგანომ „ტვიტერზე“.
მისი ინფორმაციით, წყლის დონემ ორშაბათისთვის 187 სმ-ს მიაღწია, რაც სულ ოდნავ ჩამორჩება რეკორდულ წყალდიდობას, რომელიც 1966 წელს მოხდა - მაშინ წყლის დონე 194 სანტიმეტრი იყო.
ფოტოებზე ჩანს წყლით დაფარული ბევრი ისტორიული ადგილი, როგორებიცაა, მაგალითად, წმინდა მარკოზის მოედანი და წმინდა მარკოზის ბაზილიკა.
1200 წლის განმავლობაში ეს მეექვსე შემთხვევაა, როდესაც ბაზილიკა დაიტბორა. აქედან ოთხი შემთხვევა კი ბოლო 20 წლის განმავლობაში მოხდა.
„წყლის საფარმა 187 სანტიმეტრს მიაღწია და ეს წაუშლელ კვალს დატოვებს ქალაქზე,“ - აღნიშნა მერმა.
ვენეციელებს და ადგილობრივ ბიზნესმენებს სთხოვეს, აღწერონ ზარალი, რაც მათ სახლებსა და საქმიანობას მიადგა.
მსოფლიო მედია თბილისში მიმდინარე მოვლენებზე - "20 000 ადამიანი მთავრობის წინააღმდეგ გამოვიდა"
ვენეციას წყალდიდობის მორიგი ნაკადი დაატყდა თავს - დაკეტილია სკოლები და ტურისტული ღირსშესანიშნაობები
