სააკაშვილი ივანიშვილს : ხრიკები დაგიძველდა, ბორის

ხრიკები დაგიძველდა, ბორის! - ასე ეხმაურება საქართველოს ყოფილი პრეზიდენტი მიხეილ სააკაშვილი ბიძინა ივანიშვილის საზოგადოებისადმი მიმართვას.

„ბიძინამ, აქამდე კი გატყუებდითო, მაგრამ ახლა ძალიან მჭირდება, რომ დამიჯეროთო. ივანიშვილს დღეს ისეთი სახე ჰქონდა, ქურდს ფაქტზე რომ წაასწრებენ და იხვეწება, ამ ერთხელ მაპატიეთო... თან კარგად მოვიქცევიო, თან კრიმინალური "ავტორიტეტები" მთელს ქვეყანაში ხალხს დაატერორებენ და ამაზე თვალი დახუჭეთო... ხრიკები დაგიძველდა, ბორის!“ - წერს მიხეილ სააკაშვილი ფეისბუქის გვერდზე.

ბიძინა ივანიშვილმა დღეს საგანგებო მიმართვა გაავრცელა, სადაც განსაკუთრებულ ყურადღებას იმ ამომრჩევლებზე ამახვილებს, რომლებიც „ქართული ოცნების“ მმართველობასთან დაკავშირებით იმედგაცრუებულია. ივანიშვილი განმარტავს, რომ მას ხალხის უკმაყოფილების ესმის.

იხილეთ ვიდეო: სააკაშვილი ივანიშვილის მიმართვას ეხმაურება: "იცი რა მომაგონა მისმა სახემ?! - ქურდს რომ დაიჭერ სახლთან და რომ გეხვეწება ოღონდ ამ ერთხელ გამიშვიო"