მნიშვნელოვანი ინფორმაცია
14
მაისიდღის ზოგადი ასტროლოგიური პროგნოზი
ოთხშაბათი, მთვარის მეთვრამეტე დღე დაიწყება 01:30-ზე, მთვარე მშვილდოსანშია
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. ჯანმრთელობის გაუმჯობესების მიზნით კარგ შედეგს მოგიტანთ: სირბილი, ველოსიპედი, სწრაფი სიარული.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
გოგი თოფაძე - ცესკო პოლიტიკურ დავალებებს ასრულებს
11:57 / 13-09-2016
ჩვენ გავაგრძელებთ სამართლებრივ დავას და ამ საქმეს მივიყვანთ ბოლომდე, - ამის შესახებ "ინტერპრესნიუსს" საარჩევნო ბლოკ "თოფაძე-მრეწველები ჩვენი სამშობლოს" ლიდერმა გოგი თოფაძემ განუცხადა.
მისი თქმით, ცენტრალურ საარჩევნო კომისიას არ ჰქონდა საფუძველი, პარტია რეგისტრაციიდან მოეხსნა, რის გამოც, ის საარჩევნო კომისიას პოლიტიკური დავალებების შესრულებაში ადანაშაულებს.
"ცენტრალური საარჩევნო კომისია ასრულებს პოლიტიკურ დავალებებს. მე არ ვიცი, კონკრეტულად ვისი დავალებაა, თუმცა ჩვენ გავაგრძელებთ სამართლებრივ დავას და ამ საქმეს ბოლომდე მივიყვანთ. ფაქტია, რომ ჩვენ სია წარვადგინეთ, რომელიც იყო ხელმოწერილი და დამოწმებული და ცენტრალურმა საარჩევნო კომისიამ ეს ყველაფერი არ გაითვალისწინა. საბედნიეროდ, სასამართლო ცენტრალური კომისიისგან განსხვავებულად მუშაობს და მათ მიიღეს ობიექტური გადაწყვეტილება ჩვენი პარტიის სასარგებლოდ", - განაცხადა გოგი თოფაძემ.
ცენტრალურ საარჩევნო კომისიას საარჩევნო ბლოკი "თოფაძე-მრეწველები ჩვენი სამშობლოს" საარჩევნო რეგისტრაციის აღდგენა დაევალა. შესაბამისი გადაწყვეტილება საქალაქო სასამართლომ მიიღო. მოსამართლე ეკატერინე ჯინჭველაშვილის გადაწყვეტილებით, ბათილად არის ცნობილი ცესკოს თავმჯდომარის განკარგულება, რომლის თანახმადაც საარჩევენო ბლოკი "თოფაძე-მრეწველები ჩვენი სამშობლო" რეგისტრაციიდან მოიხსნა. შესაბამისად, ცენტრალური საარჩევნო კომისიის თავმჯდომარეს დაევალა, გამოსცეს ახალი განკარგულება, რომლის თანახმადაც "თოფაძე-მრეწველები ჩვენი სამშობლო" საარჩევნო რეგისტრაციაში გატარდება და ასევე გატარდება მისი პროპორციული სია.
მოსამართლის გადაწყვეტილების გასაჩივრების უფლება ცენტრალურ საარჩევნო კომისიას ორი დღის ვადაში აქვს. მოსამართლის გადაწყვეტილებით, ასევე, ცენტრალურ საარჩევნო კომისიას დაეკისრა 100 ლარი საარჩევნო ბლოკ "თოფაძე-მრეწველები ჩვენი სამშობლოს" სასარგებლოდ, რაც საარჩევნო ბლოკმა სასამართლოში სარჩელის შეტანის მიზნით დახარჯა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გაერთიანებული სამეფოს პრემიერ-მინისტრის, კირ სტარმერის ლონდონის სახლში ხანძარი გაჩნდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
