მნიშვნელოვანი ინფორმაცია
21
მარტიდღის ზოგადი ასტროლოგიური პროგნოზი
პარასკევი, მთვარის ოცდამეორე დღე დაიწყება 03:43-ზე, მთვარე მშვილდოსანშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. არ გადაუსხათ სხვას სისხლი და პირიქით. ჯანმრთელობის გაუმჯობესების მიზნით კარგ შედეგს მოგიტანთ: სირბილი, ველოსიპედი, სწრაფი სიარული. არ გადატვირთოთ კუჭი. მოერიდეთ ცხიმიან საკვებს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რომელია ბოლო წლების ქართული ბესტსელერები
02:32 / 23-02-2016
ბესტსელერია ყველა ის წიგნი, რომელსაც განსაკუთრებული კომერციული წარმატება მოაქვს, დიდი ტირაჟით გამოდის და მკითხველის მოწონებით, აღიარებით სარგებლობს. "ამბები.გე" ბოლო წლების ქართული ბესტსელერებით დაინტერესდა და ტოპ ბესტსელერების სიის შესადგენად, ქართულ გამომცემლობებს დავუკავშირდა.
ნინო დეკანოსიძე, გამომცემლობა "პალიტრა L"-ის მთავარი რედაქტორი:
- ჩვენთვის ბოლოდროინდლი ბესტსელერი "საქართველოს ისტორიის" ოთხტომეული აღმოჩნდა, რომელიც სასაჩუქრე ვერსია გახლდათ, - ყუთში იყო მოთავსებული. მართლაც საოცრება მოხდა, არნახული რაოდენობით გაიყიდა. ასევე მოხდა ბიბლიის გამოცემის შემდეგ, რომელიც გაზეთ "კვირის პალიტრასთან" ერთად იყიდებოდა. "საქართველოს ისტორია" იმიტომ არის საინტერესო, რომ არქაული პერიოდიდან მოყოლებული, საქართველოს დამოუკიდებლობის გამოცხადების პერიოდს მოიცავს. 20-ზე მეტი ავტორი მუშაობდა მასზე, ცნობილი, ჭკვიანი და კარგი ისტორიკოსები, აკადემიკოსები, პროფესორები. ვისაც კი შეეძლო და ეს საქმე მისი პრეროგატივა იყო, ყველა ჩაერთო. წიგნმა ნამდვილად რეკორდი მოხსნა. რაოდენობამ 50.000-ს გადააჭარბა. მკითხველი დღესაც რეკავს და ამ წიგნს ითხოვს.
ქეთი კიღურაძე, გამომცემლობა "სიესტას" დამფუძნებელი:
- გიორგი კეკელიძის "გურული დღიურები" არა მარტო ჩვენი ბესტსელერია, მიმაჩნია, რომ ეროვნული ბესტსელერი გახლავთ. ის გასულ წელს ყველაზე კარგად გაყიდული, ქართველი ავტორის მიერ შექმნილი წიგნია. "გურული დღიურების" შემდეგ "ქართული ენის გრამატიკა ზარმაცებისთვის" გამოვეცით და მასზეც დიდი მოთხოვნა იყო, თუმცა, კეკელიძის წიგნი ლიდერობს.
- რამდენია უკვე გამოცემული?
- 10.000-ს გადააჭარბა.
- როგორ გგონიათ, რა აქცევს წიგნს ბესტსელერად? რატომ ჩნდება ხოლმე ამა თუ იმ ნამუშევარზე დიდი მოთხოვნილება?
- ეგ რომ ვიცოდეთ, მარტო მასეთ წიგნებს გამოვცემდით. როდესაც წიგნის გამოცემაზე ვმუშაობთ, გვგონია, რომ ის უნიკალური და მნიშვნელოვანია ჩვენი საზოგადოებისთვის, მაგრამ იქიდან რომელი იქცევა ბესტსელერად, ამის გამოცნობა და პროგნოზი შეუძლებელია.
გამომცემლობა "დიოგენეში" ასე გვიპასუხეს:
- ჩვენთან ქართული გამოცემებიდან კოტე ჯანდიერის "კონკიას ღამე" ლიდერობს, მაგრამ ეს არ ითვლება მაინცდამაინც ბესტსელერად, შეიძლება ბესტსელერად მივიჩნიოთ ვახუშტი კოტეტიშვილის "მოუკრეფავნი", ტირაჟი ძალიან სწრაფად გაიყიდა. აქვე შეიძლება აბო იაშაღაშვილის "როიალ მერი" და "ოსმალური მარში" დავასახელოთ, მისი წიგნები წარმატებით იყიდება.
ნინო ნადიბაიძე, "ბაკურ სულაკაურის გამომცემლობის" პიარმენეჯერი:
- ბოლო წლების განმავლობაში არ შეწყვეტილა დათო ტურაშვილის "ჯინსების თაობის" რეპრინტი, დიდი რაოდენობით გაიყიდა და ეს დინამიკა არ მცირდება, აღნიშნული წიგნი მუდმივად მოთხოვნადია და ჩვენი პროგნოზით, კიდევ დიდხანს იარსებებს მისი წაკითხვის მსურველი. მოსწონთ ასევე "საბვშვო ენციკლოპედია", რაც 10 წელზე მეტია გამოიცემა. ეს გვაძლევს იმაზე ფიქრის საბაბს, რომ საბავშვო-შემეცნებითი წიგნები ძალიან პოპულარულია.
ირაკლი ბაკურიძე, გამომცემლობის "წიგნები ბათუმში" დირექტორი:
- ჩვენი გამოცემებიდან ძალიან პოპულარულია სალომე ბენიძის "ქალაქი წყალზე". ის ბოლო თვეების მანძილზე, ზოგადად, ქართული წიგნის ბაზარზე, ერთ-ერთი ბესტსელერია. სალომე "წინანდლის" ლიტერატურული პრემიის მფლობელია. სამი თვის განმავლობაში 2000 ცალი გამოვეცით. ასევე ლიდერობს გიორგი კეკელიძის, რომანი "ორი თავგადასავალი", რამდენიმე თვეში 4000 ეგზემპლარია დაბეჭდილი.
- როგორ ფიქრობთ, რა განსაზღვრავს წიგნის წარმატებას?
- როდესაც ქართველ მწერალზეა ლაპარაკი, ამ შემთხვევაში სახელსა და წიგნის თემატიკას აქვს მნიშვნელობა, ანუ რაზეც წერს მწერალი. მაგალითად, სალომე ბენიძის შემთხვევაში, იყო მოლოდინი, რომ წიგნი ქალებზე, მათ პრობლემებსა და ცხოვრებაზე იქნებოდა. როგორც აღმოჩნდა, იქ უფრო მეტი ეწერა, ვიდრე ქალების ისტორიები. გიორგი კეკელიძის შემთხვევაში, თავად ავტორი თამაშობს დიდ როლს, ამავე დროს საინტერესოა გიორგის თვალით დანახული 90-იანი წლები, ზოგადად, ჩვენი რეალობა.
ლალი ფაცია
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს ფარულ ჩანაწერებს აქვეყნებს - დაკავებულია 3 პირი: კადრებში ჩანს, როგორ ყიდიან ნარკოტიკს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
_2019-10-07_pcZAK5dDPSlBIBs.jpg)
