"მანდარინებს" აშშ-ის კინოთეატრებში აჩვენებენ

"ოსკარის" ნომინანტი ქართულ-ესტონური დრამა "მანდარინები" 17 აპრილს აშშ-ის კინოთეატრებში გამოჩნდება. ქართველი რეჟისორის, ზაზა ურუშაძის ფილმისთვის ამერიკელებმა ახლებური თრეილერი და სარეკლამო პლაკატი დაამზადეს. ფილმის დისტრიბუტორი აშშ-ში ფირმა Samuel Goldwyn Films-ია.

"ზაზამ, შესანიშნავ მსახიობთა დასის მონაწილეობით, ლამაზი ფილმი შექმნა. სცენარი, რეჟისურა და სამსახიობო ნამუშევარი ფილმში იუმორისა და დრამის ბალანსს უწყობს ხელს. მოხარული ვარ, რომ ფილმს ამერიკულ აუდიტორიას წარვუდგენთ", - ამბობს Samuel Goldwyn Films-ის წარმომადგენელი პიტერ გოლდვინი.

იხილეთ თრეილერი