უფასო სახლი ალპებში

ერთი ღამის გატარება ამ ზღაპრულ სახლში, რომელიც ალპებში, მთის მწვერვალზეა აშენებული, საერთოდ არაფერი დაგიჯდებათ. მყუდრო ნავსაყუდელში დროის გასატარებლად მხოლოდ 2 500 მეტრის დაფარვაა საჭირო. სახლი, ალპინისტ ლუკა ვუერიჩის ოჯახმა ააშენა, რომელიც 2010 წელს ჩამოწოლილ ზვავს ემსხვერპლა.

12 კაციანმა გუნდმა, რომელიც მშენებლებისგან, მოხალისეებისგან და ლუკას მეგობრებისგან შედგებოდა, სახლი ერთ დღეში ააშენა. მისი ფართობი 16კვ/მ-ია. კონსტრუქცია არქიტექტორ ჯოვანი პესამოსკას მიერ არის შექმნილი და სპეციალურად არის შემუშავებული, რათა სახლის სახურავმა თოვლის ზეწოლას გაუძლოს.

აღსანიშნავია, რომ ალპებში უამრავი ასეთი სახლია, უფრო პატარა სიმაღლეებზე, თუმცა, მათ უმეტესობაში დამსვენებელს ფულის გადახდა უწევს. ზოგიერთ მათგანს პერსონალიც კი ჰყავს, რომელიც საკვების დამზადებით და სახლის დასუფთავებით არის დაკავებული. თუკი ოდესმე, აპლებში მსგავს სიმაღლეზე მოხვდებით, იცოდეთ რომ იქ სახლი გელოდებათ.

იხილეთ ფოტოგალერეა