ცნობილი ადამიანები, რომლებსაც სკოლა არ დაუმთავრებიათ

მარლონ ბრანდო

თანაკლასელებს ის არ უყვარდათ, კომივოიაჟორის შვილი იყო და ცდილობდა თანატოლებში ავტორიტეტი მოეპოვებინა თავისი ექსტრავაგანტული გამოხტომებით. ერთხელ ალმა მატერის კორიდორში ბრანდო მოტოციკლით შევიდა, რის გამოც სკოლიდან გარიცხეს. ამის შემდეგ აღარც უცდია აკადემიურ სივრცეში განათლების მიღება, თუმცა ამან სულაც არ შეუშალა ხელი, დიდებული მსახიობი გამხდარიყო.

ჟერარ დეპარდიე

ჟერარ დეპარდიემ 12 წლისამ მიატოვა სწავლა და ევროპაში სამოგზაუროდ გაეშურა. ფული მოპარული მანქანების და კონტრაბანდული ნივთების გაყიდვით ჰქონდა დაგროვილი. სკოლაში რასაკვირველია, აღარ დაბრუნებულა.

კევინ სპეისი

ჩვენი დროის ერთ-ერთი საუკეთესო ამერიკელი მსახიობი ბავშვობაში ხულიგნობით გამოირჩეოდა. სპეისი სკოლიდან იმის გამო გარიცხეს, რომ კლასელი სასტიკად სცემა. ამის შემდეგ კევინს საშუალო განათლების მიღება აღარც უფიქრია.

ალ პაჩინო

პაჩინო იმდენად დიდ დროს ატარებდა ბეისბოლის სტადიონზე, რომ გაკვეთილებზე შესვლა აღარც ახსენდებოდა. 17 წლისა მიხვდა, რომ სკოლაში დროს ფუჭად ხარჯავდა. თავის დიდებულ კარიერამდე, პაჩინოს მუშაობა კურიერად და ჭურჭლის მრეცხავად უწევდა.

ჟან პოლ ბელმონდო

ფრანგმა მსახიობმა სკოლა 16 წლის ასაკში მიატოვა იმისთვის, რომ მოკრივის კარიერა აეწყო. მისი გამოსვლები არენაზე მხოლოდ ორ წელს გაგრძელდა, შემდეგ კი რინგიდან გადასაღებ მოედნებზე გადაინაცვლა.

კვენტინ ტარანტინო

ტარანტინო ძალიან ზარმაცი ბავშვი იყო. გამუდმებით აცდენდა გაკვეთილებს. ისე ცუდად სწავლობდა, რომ დედამ, რომელიც ძალიან დაღლილი იყო მასწავლებლების პრეტენზიებით, უფლება მისცა სკოლიდან წამოსულიყო იმ პირობით, რომ სამსახურს იშოვიდა.

ჯიმ კერი

აი, ჯიმ კერი კი ოროსანი სულაც არ იყო იმის გამო, რომ სწავლა ეზარებოდა. როდესაც მის ოჯახს ფინანსური კრიზისი დაუდგა, ჯიმი დამლაგებლად მოეწყო და სკოლის შემდეგ რვა საათს მუშაობდა, რის შემდეგაც ისე იღლებოდა, სწავლას ფიზიკურად ვერ ახერხებდა. მეათე კლასში სამჯერ ჩარჩა, სანამ საბოლოოდ არ დანებდა და სკოლიდან არ გამოვიდა.

კეიტ უინსლეტი

კეიტ უინსლეტი სკოლიდან ფსიქოლოგიური წნეხის გამო წამოვიდა. მან ვეღარ გაუძლო კლასელების გამუდმებულ დაცინვას, რომლებიც ”ღიპიანს” უწოდებდნენ. ამის შემდეგ უინსლეტი სკოლაში აღარ დაბრუნებულა.

ჯონი დეპი

ჰოლივუდის ვარსკვლავი სკოლიდან 15 წლის ასაკში წამოვიდა, რომ როკერი გამხდარიყო. მას შემდეგ არანაირი განათლება აღარ მიუღია, სამაგიეროდ ერთ-ერთი ყველაზე მაღალანაზღაურებადი და პოპულარული მსახიობი გახდა.