მნიშვნელოვანი ინფორმაცია
19
მაისიდღის ზოგადი ასტროლოგიური პროგნოზი
ორშაბათი, მთვარის ოცდამეორე დღე დაიწყება 02:56-ზე, მთვარე მერწყულშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. ქორწინება და ნიშნობა სხვა დღისთვის გადადეთ. გაფრთხილდით, მოსალოდნელია ტრავმები და მოტეხილობები.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
როგორ გავარჩიოთ შავი პური საღებავით შეფერილისგან
07:57 / 23-10-2016
ქართულ ბაზარზე უამრავი სახეობის შავი და რუხი პური იყიდება, თუმცა, მათი სიმრავლის მიუხედავად, მომხმარებელს მაინც უჭირს არჩევანის გაკეთება. შერჩევის პროცესი განსაკუთრებით მაშინ რთულდება, როცა ჭარბი წონის პრობლემის ან შაქრიანი დიაბეტის დიაგნოზის მქონე ადამიანები ექიმის რეკომენდაციით, მხოლოდ და მხოლოდ ნამდვილ ჭვავის პურს ეძებენ მაღაზიის დახლებზე.
რა მეთოდებით შეგვიძლია დავადგინოთ შავი პური ხელოვნური დანამატებითა და საღებავით არის თუ არა შეფერილი, რამდენად მრავალფეროვანია ქართულ ბაზარზე შავი პურის არჩევანი და რა სასარგებლო თვისებები აქვს მას? ამ და სხვა საინტერესო თემებზე Ambebi.ge-ს საქართველოს სტრატეგიული კვლევისა და განვითარების ცენტრის ექსპერტი, ეთერ სარჯველაძე ესაუბრა.
- რა განსხვავებაა შავ და რუხ პურს შორის და როგორ გავიგოთ, აქვს თუ არა პურს შემადგენლობაში ემულგატორები და საღებავი?
- ქართულ ბაზარზე არსებობს როგორც შავი, ისე რუხი პური. ჭვავის პური შედარებით შავია, ჭვავ-ხორბლის კი უფრო ღია ფერისაა. რუხი პური კანგაუცლელი მთლიანი ხორბლის დაფქვით მიიღება. ჭვავის ფქვილისაგან ცომს ამზადებენ მჟავე მეთოდით – საფუარის ნაცვლად იყენებენ მჟავე საფუარს, რომელიც საფუარა სოკოების გარდა მნიშვნელოვანი რაოდენობით შეიცავს რძემჟავა ბაქტერიებს. რძემჟავა კარგად მოქმედებს ცილების გაჯირჯვებაზე, ცომს ნაკლებად წებვადს ხდის, აუმჯობესებს რბილობის ელასტიურობას და გემოს.
ზოგჯერ მწარმოებელი მუქი ფერის მისაცემად ხელოვნურ დანამატს იყენებს, რაც პურს მოყავისფრო შეფერილობას აძლევს და მყიდველი ადვილად შეიძლება შეცდეს რუხი პურის შერჩევის დროს. სახლის პირობებში რუხი პურის შესამოწმებლად არსებობს ერთი მარტივი მეთოდი: მცირე ნაწილაკებად დაფხვნილი პური უნდა ჩაყაროთ თბილ წყალში ( რომელიც ხელს ოდნავ წვავს) და დაელოდეთ 3-5 წუთი. თუ წყალი მუქად შეიფერა, ე.ი. შეღებილია.
- რა სასარგებლო თვისებები აქვს რუხ პურს და ვისთვის არ არის რეკომენდებული მისი მიღება?
-ექიმები გვირჩევენ მივირთვათ ჭვავის პური, როგოც კიბოს და დიაბეტის საპროფილაქტიკო - პრევენციული საშუალება.
ჭვავის პური შეიცავს მინერალებს, ვიტამინების ჯგუფს: B, PP, E მიკრო და მაკროელემენტებს, ღეროვან უჯრედისებს, ჩვენი ორგანიზმისთვის აუცილებელ ამინომჟავებს - ლიზინს, მარგანეცს, ცინკს, და 30%-ით მეტ რკინას, ვიდრე ხორბლის ფქვილი, ასევე 1,5-2 -ჯერ მეტ მაგნიუმს და კალიუმს. ადამიანებს, რომლებიც სისტემატურად იკვებებიან ჭვავის პურით, ავიტამინოზი არ ემუქრებათ. ამ პროდუქტს ორგანიზმიდან შლაკები, მარილები და ტოქსინები გამოჰყავს.
ხარისხიანი ჭვავის პური ცხვება საფუარის და ქიმიური დანამატების გარეშე, ამიტომ მისი ყოველდღიური გამოყენება აუმჯობესებს ნივთიერებათა ცვლას, ამცირებს სისხლში ქოლესტერინის დონეს.
ჭვავის პურით კვება არ არის რეკომენდებული მათთვის, ვისაც კუჭის წყლული აწუხებს. თუმცა მათ შეუძლიათ მიირთვან ჭვავ-ხორბლის ფქვილის ნაზავი პური. თუმცა, ამ შემთხვევაშიც აუცილებელია ექიმის რეკომენდაცია.
- როგორ პირობებში უნდა ინახებოდეს პური, რატომ არ არის რეკომენდებული რუხი და თეთრი პურის ერთად შენახვა?
- პური უნდა ინახებოდეს სუფთა, მშრალ სათავსოში 20-25 გრადუსი ცელსიუსით ტემპერატურაზე. ხორბლის პურის შენახვის ვადა 24 საათი, ჭვავის პურის - 36 საათია. ვინაიდან ჭვავის პურის ტენიანობა მეტია ხორბლის პურის ტენიანობაზე, ამიტომ მათი ერთად შენახვა არ არის რეკომენდებული.
სალომე შიხაშვილი
Ambebi.ge
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვოლოდიმირ ზელენსკი, რომში აშშ-ის ვიცე-პრეზიდენტს ჯეი დი ვენსს და სახელმწიფო მდივანს მარკო რუბიოს შეხვდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
