როგორ აფასებს სახალხო დამცველი ახალ მთავარ პროკურორს
მთავარი პროკურორის მემკვიდრეობა საკმაოდ რთულია, - ამის შესახებ სახალხო დამცველმა უჩა ნანუაშვილმა მთავარ პროკურორად გიორგი ბადაშვილის დანიშვნის კომენტირებისას განაცხადა.
როგორც ომბუდსმენმა აღნიშნა, ახალ მთავარ პროკურორს მოუწევს გარკვეული ბალანსის შენარჩუნება საზოგადოების მოთხოვნის შესაბამისად, რომელიც ძალიან ბევრი საქმეების გამოძიებას უკავშირდება.
"მოსახლეობის მოლოდინი იყო ძალიან ბევრი საქმეების გამოძიება. მეორე მხრივ, მნიშვნელოვანია უდანაშაულობის პრეზუმფციის და კანონის უზენაესობის განხორციელება, რაც ამ ინსტიტუტის ერთ-ერთი და მთავარი მნიშვნელოვანი ნიშანია. ამიტომაც ეს ორივე ელემენტი ჩემთვისაც მნიშვნელოვანია, რომ მაქსიმალურად იყოს დაცული ახალი მთავარი პროკურორის მუშაობის პერიოდში", - განაცხადა უჩა ნანუაშვილმა.
ამასთან, მისი განმარტებით, გიორგი ბადაშვილს იგი პირადად არ იცნობს.
საქართველოს პრემიერ-მინისტრმა, იუსტიციის მინისტრის წარდგინებით, მთავარ პროკურორად გიორგი ბადაშვილი გუშინ დანიშნა.
LIVE: გია ხუხაშვილი "ნიუსრუმიდან"
"ანტიგმირი უნდა დამალო" - გია ხუხაშვილი პარლამენტიდან ვანო ზარდიაშვილის წასვლაზე
