18
მაისიდღის ზოგადი ასტროლოგიური პროგნოზი
შვეიცარიაში პოპულარულია ონლაინ სერვისები, რომელიც რამდენიმე დაწკაპუნებით განქორწინების ყიდვის შესაძლებლობას იძლევა, როგორც საქონელის საყვარელ ინტერნეტ-მაღაზიაში. ქსელის დახმარებით განქორწინება უფრო იაფი ჯდება, ვიდრე პროცესში მონაწილეობა და უფრო სწრაფადაც ფორმდება.
შვეიცარული ეკონომიკური ჟურნალის Bilan-ის ინფორმაციით, ონლაინ-განქორწინებების პირველი საიტები ჯერ კიდევ 2007 წელს გაჩნდა. "გახსნის დღიდან თასობით წყვილს დავეხმარეთ",-ამბობს EasyDivorce.ch-ის თანადამფუძნებელი კლაუდია ბოკია გამოცემასთან საუბრისას.
"ჩვენი საიტი ივლისში ამუშავდა და უკვე 15 მომართვა დაამუშავა, ტურსააგენტოების დრო წავიდა, ადამიანები დასვენებას ინტერნეტით უკეთებენ ორგანიზებას. იგივე ხდება განქორწინების შემთხვევაშიც",- ამბობს ადვოკატი ჟენევიევა რეინო, რომელმაც ახლახან პროექტი Click-divorce.ch გაუშვა.
სასამართლო ხარჯები და ონლაინ-განქორწინების ღირებულება შვეიცარიის სხვადასხვა კანტორაში განსხვავებულია, მაგრამ მთლიანობაში იგი ჩვეულებრივ პოცედურაზე სამჯერ ნაკლები ჯდება.
განქორწინებებისთვის ონლაინ ტექნოლოგიების გამოყენების მოწინააღმდეგეები ამბობენ, რომ საიტები გათვალისწინებულია ყველაზე გავრცელებულ შემთხვევებზე, როცა, მაგალითად, ორივე მეუღლე მუშაობს, არ ყავთ შვილები და არ აქვთ საპენსიო დანაზოგი, რომელიც გასაყოფია. სირთულეების გაჩენისას, ისინი შიშობენ, რომ მოსამართლემ შესაძლოა, იტერნეტ-სერვისის საშუალებით შედგენილი შეთანხმების დამტკიცებაზე უარი თქვას.
მაგრამ პოპულარული ბიზნესის წარმომადგენლები ირწმუნებიან, რომ მათ მომსახურებას სასამართლო სრულად აღიარებს. გაყრის სპეციალისტები კლიენტების უკმარისობას არ განიცდიან, რადგან ქვეყანაში ყოველი მეორე წყვილი განქორწინდება.
მომზადებულია Bilan-ის მიხედვით.
