მნიშვნელოვანი ინფორმაცია
11
მაისიდღის ზოგადი ასტროლოგიური პროგნოზი
ორშაბათი, მთვარის მეთექვსმეტე დღე დაიწყება 21:55-ზე, მთვარე მორიელშია
მშვიდობიანი საქმეები წარმატებით დასრულდება. კაპიტალდაბანდებებს მოერიდეთ.
კარგი დღეა იურიდიული საკითხების მოსაგვარებლად, სასამართლო პროცესების დასაწყებად. კარგი დღეა შემოქმედებითი საქმიანობისთვის. გარშემო მყოფებთან ურთიერთობისას გამოიჩინეთ ტაქტი. უფროსს მნიშვნელოვან საკითხებზე საუბრისთვის ნუ შეხვდებით; წვრილ-წვრილი საკითხები მოაგვარეთ. კარგი დღეა დასვენების, მოგზაურობის, ფიზიკური დატვირთვისა და საოჯახო საქმეების შესრულებისთვის. მოერიდეთ ალკოჰოლის მიღებას, მოწევას. არც იშიმშილოთ და არც კუჭი გადატვირთოთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
მეცნიერებმა ყველაზე სასარგებლო პროდუქტი დაასახელეს
23:29 / 18-11-2013
მეცნიერებმა ყველაზე სასარგებლო პროდუქტი დაასახელეს, რომელთა შორის სტაფილო და ბროწეული ლიდერობენ.
სტაფილოს მედიკოსები ხშირად მინიატიურულ აფთიაქსაც ეძახიან, რადგან მასში თავმოყრილია მინერალებისა და ვიტამინების იშვიათი შენაერთები. სტაფილო ერთ-ერთი საუკეთესო მატონიზებელი და გამაჯანსაღებელი ბოსტნეულია. ის განსაკუთრებით სასარგებლოა ქალებისთვის, აუმჯობესებს კუჭ-ნაწლავის მოტორულ ფუნქციას, წმენდს სახეს, ამაგრებს თმის ძირებს. სტაფილოს მთავარი თვისება მასში არსებული კაროტინია, რომელიც ორგანიზმში მოხვედრისთანავე D ვიტამინად გარდაიქმნება, ეს ვიტამინი კი აუცილებელია მხედველობისთვის. სტაფილოს ანთების საწინააღმდეგო თვისებაც გააჩნია, ამიტომ გაცივების დროს ექიმები სტაფილოს წვენის ყელში გამოვლებას გვირჩევენ. ძლიერ ხველას შველის სტაფილოს წვენში გახსნილი თაფლი, რძესთან შერეული, ბრონქიალური ასთმის შეტევას ხსნის. თუმცა გასათვალისწინებელია, რომ სტაფილოს წვენის მიღება არასასურველია მათთვის, ვისაც თორმეტგოჯა ნაწლავის წყლული აღენიშნებათ.
გარდა ამისა, ახალგამოწურული სტაფილოს წვენი შეიცავს ისეთ ნივთიერებებს, რომლებიც არა მარტო მხედველობას აუმჯობესებს, არამედ კვებავს სახის კანს და იმუნიტეტს აძლიერებს.
მეცნიერულად დამტკიცებულია, რომ ბროწეულის წვენი წინამდებარე ჯირკვლისა და კანის ავთვისებიანი სიმსივნის დროს, კიბოს უჯრედების გამრავლების სიჩქარეს ანელებს. საკვებში ბროწეულის რეგულარული გამოყენება მკერდის კიბოს განვითარების რისკსაც ამცირებს.
ტკბილი ჯიშის ბროწეულის წვენი სასარგებლოა თირკმლებში ჭვალისა და კუჭის აშლილობის დროს. მჟავე ჯიში კი სასარგებლოა დიაბეტის, თირკმელებსა და ნაღვლის ბუშტში კენჭების, რევმატიზმის შემთხვევაში.
ბროწეულის წვენი სასარგებლოა დაბალი ჰემოგლობინისა და გულის დაავადებებისას, აგრეთვე საჭმლის მონელებისთვის. გარდა ამისა, წვენი ასუფთავებს პირის ღრუს, მადის მომატებას უწყობს ხელს და საჭმლის მომნელებელი ტრაქტის მუშაობას აწესრიგებს. თუმცა კუჭის წყლულისა და მაღალი მჟავიანობით მიმდინარე გასტრიტის დროს ეს სასმელი (და თავად ბროწეულიც) მავნებელია.
ბროწეულის წვენი პირის ღრუს ლორწოვანი გარსის ანთების, სტომატიტის დროსაც გამოიყენება. მაგრამ ბროწეულის წვენის მიღება სუფთა სახით მიზანშეწონილი არ არის - ნახევარ ჭიქა ბროწეულის წვენს ნახევარზე ოდნავ ნაკლები წყალი უნდა დაასხათ, რადგან მჟავა კბილის მინანქარსა და კუჭის გარსს აზიანებს.
ლიკა კერატიშვილი
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
