მნიშვნელოვანი ინფორმაცია
16
მაისიდღის ზოგადი ასტროლოგიური პროგნოზი
შაბათი, მთვარის მეოცე დღე დაიწყება 02:13-ზე, მთვარე თხის რქაშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. ქორწინება და ნიშნობა სხვა დღისთვის გადადეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ეკა ნიჟარაძე - "კლასიკა ყოველთვის მოდურია"
07:45 / 13-11-2013
საყვარელი სტილის, აქსესუარებისა და სამოსის შესახებ მსახიობი ეკა ნიჟარაძე ჟურნალ "ბომონდს" ესაუბრა.
- რომელი სტილი მოგწონთ?
- მიყვარს მოხერხებული სამოსი, რომელშიც თავს კომფორტულად ვგრძნობ. მგონია, რომ უფრო მიხდება. ყველაზე არაკომფორტული სამოსი, რომლის ტარების დროს ვიტანჯები, საღამოს ვიწრო კაბა და მაღალქუსლიანი ფეხსაცმელია. ჩემი საყვარელი სტილი ჯინსი და მაისურია. ზამთრობით სპორტულ შარვალს ვატარებ.
- დრესკოდს ყოველთვის იცავთ?
- მოსაწვევზე როცა დრესკოდია მითითებული, საგონებელში ვვარდები. ვიწყებ ფიქრს, რა ჩავიცვა. ასეც რომ არ იყოს, როგორც გითხარით, საღამოს კაბაში არაკომფორტულად ვგრძნობ თავს. დრესკოდს ვიცავ და მერე ვნანობ ხოლმე. ასეთ საღამოზე სიამოვნებას ვეღარ ვიღებ.
- საყვარელი აქსესუარი?
- არ ვიცილებ ჯვარს. აქსესუარები მიყვარს, მაგრამ ერთსა და იმავეს ვეჩვევი და ხშირად არ ვიცვლი. როგორც აქსესუარების, ისე სამოსის ამოჩემება მახასიათებს. ვერ ვიტყვი, რომ ცოტა სამოსი მაქვს, მაგრამ ერთი რაღაც თუ მომეწონა, არ ვიხდი. სრულიად არ მაღელვებს თუ რომელიმე საღამოზე ის კოსტიუმი უკვე მეცვა. ასეთ წვრილმანებს ყურადღებას არ ვაქცევ.
- საყვარელი ფერი?
- მწვანე მიყვარს და მიხდება კიდეც. შავ სამოსს იშვიათად ვატარებ. ფერადოვნება მომწონს.
- სად იძენთ სამოსს?
- მოგატყუებთ, რომ გითხრათ, ძალიან მიყვარს ტანსაცმლის შეძენის პროცესი-მეთქი. ახლა რომელი კოსტიუმიც მაცვია, ნიცაში, ვინტაჟის მაღაზიაში ვიყიდე. თან კარგი ნივთებიც შევიძინე. რატომღაც ვინტაჟი ძველმოდურადაა მიჩნეული, რასაც ვერ დავეთანხმები. კლასიკა ყოველთვის მოდურია. როგორც კი ეს კოსტიუმი შევამჩნიე, მივხვდი, რომ საჩემო იყო. კიდევ ერთი კაბა მომეწონა, მაგრამ ეს სამოსი და სხვა რაღაცებიც მეგობარმა მიყიდა და იმ კაბაზე ხმა ვერ ამოვიღე.
- რომელი სტილია ყოველთვის მოდური?
- ასეთი სტილი კლასიკაა, რომელიც ქალის სილუეტს ხაზს უსვამს.
- როგორ მაკიაჟს ირჩევთ?
- ყოველდღიურად მაკიაჟს არ ვატარებ. მიყვარს ტუჩის უფერო საცხი, "ბლესკი". თუ საღამოზე მივდივარ, შეიძლება ტუშიც დავიმატო.
- რომელი ბრენდის კოსმეტიკურ საშუალებებს იყენებთ?
- არ არის აუცილებელი, რომელიმე ბრენდის იყოს. ძირითადად Sephora-ს კოსმეტიკას ვიყენებ. ყიდვა მიყვარს, თუმცა მერე ძირითადად თეატრში ვხმარობ. კოსმეტიკურ საშუალებებს მეგობრები მჩუქნიან, თან ისე იშვიათად ვიყენებ, ხშირი შეძენა არ მჭირდება.
- სუნამოს როგორ ირჩევთ?
- ერთი პერიოდი მხოლოდ ერთ სუნამოს ვყიდულობდი. ეს გახლდათ Merveilles Hermes. წლების განმავლობაში ამ სუნამოს ვიპკურებდი. შემდეგ Hanae Mori-ს სურნელი მომეწონა - დაახლოებით 15 წლის წინ თბილისში ერთ-ერთ პარფიუმერიულ ქსელში შევიძინე. შემდეგ ეს სუნამო დახლებიდან გაქრა. ვერც ევროპაში მივაგენი. სულ ახლახან ჩემმა მეგობარმა ამერიკიდან ჩამომიტანა, მერე რომ იტყვიან, ეს სუნამო მოვიმარაგე. ამერიკაში კიდევ ერთი სუნამო შევიძინე. იშვიათად ვანებივრებ საკუთარ თავს... ამ სუნამოს უცნაური არომატიც აქვს, რომელსაც ხშირად ვერ დაიპკურებ. იშვიათი შემთხვევებისთვის იქნება განკუთვნილი და ეს გახლავთ - Cobacco Vanille Tom Ford.
ყოველთვიური ჟურნალი "ბომონდი"
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
