მნიშვნელოვანი ინფორმაცია
26
აპრილიდღის ზოგადი ასტროლოგიური პროგნოზი
შაბათი, მთვარის ოცდამერვე დღე დაიწყება 05:19-ზე, მთვარე ვერძშია
დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. დღის რთული ორგანოა თავი. ამიტომ მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
დვანში ანდრო ბარნოვმა და დავით სერგეენკომ იკამათეს
08:06 / 02-10-2013
სოფელ დვანში დავით სერგეენკოსა და სხვადასხვა პროფილის ექიმების პარალელურად, პრეზიდენტის ადმინისტრაციის უფროსი ანდრო ბარნოვი ჩავიდა.
ბარნოვის დვანში ჩასვლა 13:30 საათისთვის იყო დაანონსებული, თუმცა პრეზიდენტის ადმინისტრაციის ხელმძღვანელმა გადაწყვეტილება შეცვალა და 12:30-საათზე, სწორედ სერგეენკოს ვიზიტს დაამთხვია სოფელში ჩასვლა. ანდრო ბარნოვი იმ ადგილას მივიდა, სადაც რუსი საოკუპაციო ჯარის წარმომადგენლები დგანან და განაცხადა, რომ პრემიერ-მინისტრი ბიძინა ივანიშვილი და მთავრობის პირველი პირები დვანში ხალხთან შესახვედრად არ ჩადიან, რადგან რუსეთის საოკუპაციო ჯარის წარმომადგენლების ეშინიათ.
ანდრო ბარნოვმა მთავრობა იმის გამოც გააკრიტიკა, რომ შექმნილი მდგომარეობის ფოზე, წყალიც კი არ მიაწოდეს ადგილობრივებს. მისი თქმით, ადმინისტრაციის წევრებთან ერთად საკუთარი ბიუჯეტიდან, ანუ პირადი ბიუჯეტიდან გაიღეს გარკვეული თანხა და საყოფაცხოვრებო ნივთები და რაღაც პროდუქტები ჩაუტანეს ადგილობრივებს.
მთავრობის კრიტიკის შემდეგ, ბარნოვი იმ ადგილას გაემგზავრა, სადაც სერგეენკო იმყოფებოდა და ექიმები ადგილობრივ მოსახლეობას სამედიცინო გამოკვლევებს უტარებდნენ. ბარნოვმა ჯანდაცვისა და სოციალური დახმარების მინისტრი იმის გამო გააკრიტიკა, რომ ადგილობრივი მოსახლეობის დიდ უმრავლესობას სოციალური დახმარება შეუწყდა. თუმცა, სერგეენკო აცხადებს, რომ აღნიშნული დადგენილება ჯერ კიდევ "ნაციონალური მოძრაობის" ხელისუფლებაში ყოფნისას იყო მიღებული, რომ 2013 წლის ზაფხულიდან ეს დახმარებები უნდა შეწყვეტილიყო. სერგეენკოს განცხადებით, ამჟამინდელი მთავრობა ყველანაირად ცდილობს ამ პროცესის დარეგულირებას და იმას, რომ მოსახლეობის დიდ უმრავლესობას სოციალური დახმარება შეუნარჩუნდეს.
სერგეენკომ ბარნოვს მოუწოდა, რომ მსგავსი სპექტაკლების გამართვისგან თავი შეეკავებინა და ნუ უშლიდა ხელს თბილისიდან ჩასულ ექიმებს ადგილობრივი მოსახლეობის უფასო გასინჯვაში. ბარნოვს კამათი მოუხდა ადგილობრივი მოსახლეობის ერთ ჯგუფთანაც.
დვანელების ერთი ნაწილი აცხადებს, რომ სწორედ "ნაციონალური მოძრაობის" მხრიდან დაშვებული შეცდომების გამოა დღეს ამგვარი მდგომარეობა ოკუპირებულ ტერიტორიაზე. დვანელები იმასაც აცხადებენ, რომ მავთულხლართების გაბმა, რაზეც დღეს "ნაციონალური მოძრაობა" აკეთებს აქცენტს, დღეს არ დაწყებულა და 2009 წელში დაიწყო.
ანდრო ბარნოვს, დვანელებმა დემაგოგი უწოდეს.
" შენ ხარ დემაგოგი, ჩამოხვედი აქ და დემაგოგიას ეწევი. ამდენი წლის განმავლობაში 2008 წლის შემდეგ არ გაგხსენებივართ "ნაციონალურ მოძრაობის" წარმომადგენლებს, ახლა გინდათ, რომ მოქმედ მთავრობას ხელი შეუშალოთ, არჩევნები მოდის და გინდათ ჩვენს ხარჯზე პიარი გაიკეთოთ"- მიმართეს დვანელებმა ბარნოვს.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
