მნიშვნელოვანი ინფორმაცია
29
მარტიდღის ზოგადი ასტროლოგიური პროგნოზი
შაბათი, მთვარის ოცდამეათე დღე დაიწყება 07:05-ზე მთვარის პირველი დღე დადგება 14:57-ზე, მთვარე ვერძშია
შუადღემდე დაასრულეთ ძველი საქმეები. გათავისუფლდით უსარგებლო ნივთებისაგან. კარგია შემოქმედებითი საქმიანობა, სწავლა. აკონტროლეთ ემოციები. კარგი დღეა დასვენებისთვის. ბუნებაში, ქალაქგარეთ სასეირნოდ.
საღამოს დაგეგმეთ ახალი საქმეები, მაგრამ მათი დაწყებისგან თავი შეიკავეთ. მოერიდეთ ყველა მნიშვნელოვან საქმეს, გადაწყვეტილებას. კონფლიქტისგან თავი შეიკავეთ. მოერიდეთ ფიზიკურ გადაღლას, მოსალოდნელია ტრავმები. არ გადატვირთოთ კუჭი. მოერიდეთ ცხელ და ცხარე საკვებს. არ მიიღოთ ალკოჰოლი. თავის ტკივილი რომ აირიდოთ, არ გადაიღალოთ გონებრივი სამუშაოთი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
როგორ პოულობენ სატელეფონო ცრუ ტერორისტებს
03:03 / 13-09-2013
ბოლო ორი თვის განმავლობაში საქართველოს პარლამენტის შენობა ორმა ცრუ ტერორისტმა "დანაღმა". ორივე შემთხვევაში განგაში ცრუ აღმოჩნდა. მეორე საკითხია, უშველა თუ არა ამან დეპუტატებს, საპარლამენტო ქალაქი დაეტოვებინათ და მუშაობისგან გადაღლილები საკუთარ ოჯახებს დაბრუნებოდნენ, თუმცა მთავარი მაინც ის არის, რომ შესაბამისმა უწყებებმა ოპერატიულად იმოქმედეს - როგორც პირველ, ისე მეორე შემთხვევაში დამნაშავე "ტერორისტი" მალევე აიყვანეს. ოფიციალური ინფორმაციით, შსს-მ სათანადო ღონისძიებების შედეგად დააკავა არასრულწლოვანი, 1996 წელს დაბადებული, ხაშურში მცხოვრები ლევან თ., რომელმაც 20:40 საათზე, შსს-ს გადაუდებელი დახმარების ოპერატიული მართვის ცენტრ "112"-ში დარეკა და ქუთაისში, პარლამენტის შენობაში ბომბის არსებობის შესახებ აცნობა. ის ცრუ შეტყობინების ბრალდებით დააკავეს.
სამართალდამცველებმა ბრალდებული ხაშურში, საკუთარი საცხოვრებელი სახლის მახლობლად დანაშაულის ჩადენიდან ერთ საათში დააკავეს.
მართალია 21-ე საუკუნეა და ტექნიკური პროგრესი დამნაშავის ოპერატიული დაკავების შესაძლებლობას იძლევა, მაგრამ მაინც საინტერესოა, როგორ ხდება "სატელეფონო ტერორისტების" დაკავება. სპეციალისტების ინფორმაციით, დამნაშავის დაკავების ორი მეთოდი არსებობს: პირველი - ცრუ ტერორისტის მობილური ტელეფონის სიგნალი, რომლის მიხედვითაც ხდება ტელეფონის აპარატის და საუბრის განხორციელების დროის იდენტიფიცირება და დამნაშავის დაკავება. მეორე მეთოდი კიდევ უფრო საინტერესოა: ტერორისტის ხმა იწერება სპეციალურ კომპიუტერში, რომელიც ახდენს ხმის კოდირებას და აწარმოებს ძიებას, თუ როდის დაფიქსირდება იგივე ხმა სხვა ტელეფონზე საუბრისას. კომპიუტერი მომენტალურად განსაზღვრავს დამნაშავის ხმას და ადგილის იდენტიფიკაციის შედეგად, მისი დაკავება ადვილია. სპეციალისტები ასევე აცხადებენ, რომ ცრუ ტერორისტები ყოველთვის ნაკლებად იმედოვნებენ, რომ მათ ადვილად დააკავებენ. ისინი ხშირად ხმის ტემბრს იცვლიან აფთიაქში ნაყიდი ხველის საწინააღმდეგო სიროფებით, რომლის მიღება ადამიანის ხმას მაქსიმალურად ცვლის. ასევე იყენებენ წყლის ნაკადის ფონს და სხვა მეთოდებს, რომელთა გამოგონება ძნელი არ არის.
ზურაბ თვაური
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
