მნიშვნელოვანი ინფორმაცია
16
მაისიდღის ზოგადი ასტროლოგიური პროგნოზი
პარასკევი, მთვარის მეცხრამეტე დღე დაიწყება 02:31-ზე, მთვარე თხის რქაშია
საშიში დღეა, ფრთხილად იყავით. არ წამოიწყოთ ახალი საქმეები. მოერიდეთ ყოველგვარ ვაჭრობას, ფინანსური ოპერაციების ჩატარებას. ცუდი დღეა საქმის, საქმიანობის შესაცვლელად. მოგზაურობა და შორ მანძილზე მგზავრობა დაუშვებელია. უფრო მეტიც, უმჯობესია, ეს დღე შინ გაატაროთ. პასიურად დაისვენეთ. არავითარ შემთხვევაში არ დაქორწინდეთ დღეს, გადადეთ ნიშნობაც. განქორწინებაც კი სხვა დღეს დანიშნეთ. გაუფრთხილდით სახსრებსა და ხერხემალს, არ ამოიღოთ კბილი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"კილერებს სწორედ ძალადობრივი ფილმების ყურებით ზრდიან"
23:21 / 09-08-2013
14 წლის ბიჭი მყავს. ძალიან ნიჭიერი და გონიერია, მაგრამ კომპიუტერსა და ტელევიზორს ვერ ვაშორებ, სხვა არაფერი აინტერესებს. ძალიან უყვარს მძაფრსიუჟეტიანი ფილმები, სადაც ადამიანები ერთმანეთს ხოცავენ, ესვრიან, ვიღაცას აწამებენ. უდროობის გამო ყოველთვის ვერ ვაკონტროლებ, მაგრამ როცა შენიშვნას ვაძლევ, ან მსგავსი ფილმების ყურებას ვუკრძალავ, საშინლად აგრესიული ხდება, ტირის და სახლიდან გარბის. ვიცი, რომ გარდატეხის ასაკი აქვს, ისიც ვიცი, რომ ამ ასაკში ყველა მოზარდი თავისებურად ჯიუტია, მაგრამ მასთან ურთიერთობას უკვე ვეღარ ვახერხებ. აღარ ვიცი, როგორ მოვიქცე!" - შემომჩივლა ახლობელმა. ალბათ დამეთანხმებით, რომ მსგავს მდგომარეობაში დღეს ბევრი ოჯახია ჩავარდნილი. როგორ უნდა მოიქცეს მშობელი, რომელსაც შვილთან მსგავსი პრობლემები აქვს? - ამ საკითხზე "ძალადობისაგან დაცვის ეროვნული ქსელის" ფსიქოლოგი მანანა სოლოღაშვილი გვესაუბრება:
- ფსიქოლოგებმა კარგად ვიცით, თუ რა ზიანი შეიძლება მოუტანოს მოზარდს მისი ასაკისათვის შეუფერებელი ინფორმაციის მოსმენამ ან დანახვამ. მიჩნეულია, რომ სამ წლამდე ბავშვმა ტელევიზორს არ უნდა უყუროს და, მით უმეტეს კომპიუტერთან არ უნდა იჯდეს. 3-დან 14-15 წლამდე კი უფროსი უნდა ეჯდეს გვერდით და ნანახის თაობაზე კომენტარს აკეთებდეს. ვლაპარაკობ იმ ფილმებსა და გადაცემებზე, რომლებიც ბავშვის ასაკისათვის შესაფერისია. რაც შეეხება ფილმებს, სადაც ძალადობის სცენები უხვადაა: თუ ბავშვი ასეთ ფილმს ან გადაცემას უფროსის კონტროლისა და კომენტარის გარეშე უყურებს, ეს მის ფსიქიკას მძიმე დაღს ასვამს და ბუნებრივია, უარყოფით გავლენას ახდენს. უფრო მეტიც, ბავშვმა შეიძლება დასაშვებად მიიჩნიოს ის, რაც ეკრანზე ხდება და ყოველდღიურ ყოფაში გადმოიტანოს. ასე რომ, მშობელმა მაქსიმალური ყურადღება უნდა გამოიჩინოს.
ძალადობის მუდმივად ყურებით ბავშვს ერთი ადამიანის მიერ მეორის ცემა, მოკვლა, დასახიჩრება ჩვეულებრივ ამბად მიაჩნია. მას უჭირს ვირტუალური და რეალური სამყაროს გარჩევა, ისედაც რიკოშეტივით ისხლეტენ მშობლის აზრს, მის დარიგებას ნაკლებად იჯერებენ. ამ ასაკში მათთვის თანატოლების აზრს უფრო დიდი მნიშვნელობა აქვს, ვიდრე პედაგოგის ან უფროსის დარიგებისას. როცა ამ ასაკს გაივლიან, მერე უფრო უახლოვდებიან მშობლებს. ამიტომ, არსებობს საკმაოდ ეფექტიანი ხერხი: ტელევიზორი ან კომპიუტერი უნდა ჩავუნაცვლოთ რაღაც უფრო საინტერესოთი, შეუძლებელია მოზარდის ფსიქიკაზე უარყოფითმა ინფორმაციამ სასიკეთოდ იმოქმედოს. მით უმეტეს, თუ ბავშვი დისჰარმონიული ოჯახიდანაა, მას უკვე აქვს ნოყიერი ნიადაგი საიმისოდ, რომ მოძალადის როლი მოირგოს. კომპიუტერი ჯერჯერობით ყველა ოჯახს არა აქვს, თანაც, მისი გაკონტროლება უფრო ადვილია, ვიდრე ტელევიზორისა. ამიტომ, ტელევიზიით გაშვებული ფილმებისა და სერიალების ხარისხზე სახელმწიფომ უნდა იზრუნოს. არ შეიძლება აგრესიული ფილმების გაშვება გვიან - როცა ძილის წინ მოზარდი მკვლელობისა და ძალადობის სცენებს უყურებს, შეიძლება კოშმარები დაეწყოს და უძილობაც კი დასჩემდეს. კილერებს, მკვლელებს სწორედ ძალადობრივი ფილმებისა და ე.წ. თრილერების ყურებით აყალიბებენ, ნელ-ნელა უზრდიან ძალადობრივი სცენების დოზას და ბოლოს "სასურველ" შედეგსაც აღწევენ. ამ ყველაფერზე დაფიქრება ნამდვილად ღირს.
ხათუნა ჩიგოგიძე
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
