სოფელ ვაზისუბანში ძმებმა ერთმანეთი ნაჯახით დაჭრეს

გურჯაანის რაიონის სოფელ ვაზისუბანში, რევაზიშვილების ოჯახში, ძმებმა ურთიერთშელაპარაკების ნიადაგზე ერთმანეთი ნაჯახით დაჭრეს. ორივე მათგანი გურჯაანის რაიონულ საავადმყოფოში მოათავსეს. რევაზ რევაზიშვილს მსუბუქი დაზიანებები აღენიშნებოდა, რამაზ რევაზიშვილს კი ჭრილობა მუცლის არეში ჰქონდა. მას სასწრაფო გადაუდებელი ოპერაცია ჩაუტარდა და მის სიცოცხლეს საფრთხე არ ემუქრება.

როგორც მეზობლები აცხადებენ, ეს პირველი შემთხვევა არ არის, როცა რევაზიშვილების ოჯახში კონფლიქტი ხდება. ძმებმა რევაზიშვილებმა დედ-მამა სცემეს, რის გამოც, რამდენიმე თვე სასჯელაღსრულების დაწესებულებაში გაატარეს.

"ინტერპრესნიუსი"