ივლისში მაქსიმალური ტემპერატურა 39 გრადუსი იქნება
2-4 ივლისს მთელს საქართველოში წვიმაა მოსალოდნელი. როგორც "ინტერპრესნიუსს" გარემოს ეროვნული სააგენტოს მონიტორინგისა და პროგნოზირების ცენტრიდან სვეტლანა ნიორაძემ აცნობა, დღეს აღმოსავლეთ საქართველოში 38 გრადუსია მოსალოდნელი, დასავლეთ საქართველოში კი - 32 გრადუსამდე. დღის ბოლოს კი, დასავლეთ საქართველოში წვიმაა მოსალოდნელი.
2-4 ივლისს დასავლეთ საქართველოში წვიმების შედეგად ჰაერის ტემპერატურა 28-23 გრადუსამდე დაიწევს.
2-4 ივლისს, აღმოსავლეთ საქართველოში, ჰაერის ტემპერატურა 33-29 გრადუსი იქნება. იქროლებს ქარი 20-25 მეტრი წამში, მათ შორის თბილისშიც. კახეთის ბარში და მაღალმთაში მოსალოდნელია სეტყვაც.
5 ივლისიდან ქვეყნის მთელს ტერიტორიაზე წვიმა შეწყდება და 6 და 7 ივლისს 30 გრადუსი იქნება.
როგორც სვეტლანა ნიორაძემ განაცხადა, ზოგადად, ივლისი ცხელი თვე იქნება, თუმცა ნორმაზე მაღალ ტემპერატურას, 39 გრადუსზე ზემოთ, არ ვარაუდობენ.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
