რა ქონებას ფლობს გურჯაანის მუნიციპალიტეტის გამგებელი

გურჯაანის მუნიციპალიტეტის გამგებლის, აკაკი ოსიაშვილის ოჯახი გურჯაანის რაიონში ორ საცხოვრებელ სახლს, დედაქალაქში კი ბინას ფლობს. მათ საკუთრებაშია ასევე ორი მიწის ნაკვეთი და მსუბუქი ავტომანქანა "ჰიუნდაი აქცენტი".

აკაკი ოსიაშვილის 2013 წლის 10 თებერვალს შევსებული ქონებრივი დეკლარაციის თანახმად, გურჯაანის რაიონის სოფელ ჩუმლაყში მდებარე, 525 კვ.მეტრი ფართის საცხოვრებელ სახლს აკაკი ოსიაშვილი და მამამისი ელიზბარ ოსიაშვილი სანახევროდ ფლობენ. გამგებლის მეუღლის, ხათუნა მაზანაშვილის საკუთრებაშია გურჯაანში, ცაბაძის ქუჩაზე მდებარე 400 კვ.მეტრი ფართის საცხოვრებელ სახლი. ოსიაშვილს ეკუთვნის თბილისში, დიდ დიღომში, გიორგი ბრწყინვალის ქუჩაზე მდებარე, 125 კვ.მეტრი ფართის ბინა და სოფელ ჩუმლაყში მდებარე 37 500 კვ.მეტრი ფართის მიწის ნაკვეთი. გამგებლის მამის საკუთრებაშია ჩუმლაყში მდებარე, 12 500 კვ.მეტრი მიწის ნაკვეთი.

იხილეთ ვრცლად

კახეთის საინფორმაციო ცენტრი