ოთხი წლის ამერიკელი ბიჭუნა ქალაქის მერი გახდა

მინესოტას შტატის დაბა-ქალაქ დორსეტის მერი ოთხი წლის ბიჭუნა, სახელად რობერტს ტაფტსი გახდა. ბავშვმა ქალაქის მმართველის თანამდებობა მას შემდეგ დაიკავა, რაც ქუდიდან ამოღებულ ქაღალდზე მისი სახელი აღმოჩნდა - ქუდში მოთავსებულ ქაღალდებზე მერობის დანარჩენ პრეტენდენტთა სახელები და გვარები ეწერა.

როგორც რობერტმა ჟურნალისტებს უთხრა, მას დორსეტის ქუჩებში სეირნობა, მის მაცხოვრებლებთან ურთიერთობა, სიმღერა, ცეკვა და მშობლებთან ერთად სათევზაოდ სიარული უყვარს. მასმედიის წარმომადგენლებთან საუბარში რობერტმა ისიც აღნიშნა, რომ ჰყავს მეგობარი გოგონა, სახელად სოფია.

საქმე ისაა, რომ დორსეტის მერის არჩევნები სიმბოლურ-იუმორისტულ ხასიათს ატარებს, ვინაიდან ამ დასახლებულ პუნქტს საკუთარი მუნიციპალური ხელისუფლება არ გააჩნია (ის ზემდგომი ორგანოებიდან იმართება). ამიტომ დორსეტში ყოველწლიურად ტარდება მერის უჩვეულო ”არჩევნები”.

უფრო ადრე აშშ-ის სენატის არჩვნებში დამოუკიდებელი კანდიდატის სახით კენჭს იყრიდა კატა, სახელად ჰენკი, რომელიც კონკურენციას დემოკრატ ტიმ კეინსა და რესპუბლიკელ ჯორჯ ალენს უწევდა.

მომზადებულია Orange News-ის მიხედვით.