18
მაისიდღის ზოგადი ასტროლოგიური პროგნოზი
დეფექტების გამოსწორების შემდეგ, ჩინეთი კვლავ ცდილობს საკუთარი სტრატეგიული წყალქვეშა ნავის ღია ზღვაში გაშვებას. "ტიპი 94"-ის კლასის წყალქვეშა ნავი ბაზის ტერიტორიაზე გამოცდების დროს რამდენჯერმე შენიშნეს.
ამ მიმართულებით ჩინეთი უკვე დიდი ხანია მუშაობს. თუმცა ყოველ ჯერზე ამაში ხელს წყალქვეშა ნავების გაუმართაობა და ტექნიკური ხარვეზები უშლის. მისგან განსხვავებით ბირთვული რაკეტებით შეიარაღებული ამერიკული, რუსული, ბრიტანული და ფრანგული სტრატეგიული წყალქვეშა ნავები მსოფლიო ოკეანეების სხვადასხვა რაიონებში პატრულირებაზე რეგულარულად დადიან.
სტრატეგიული წყალქვეშა ნავის შექმნას ჩინეთი დიდი ხანია ცდილობს. 1978 წელს საფუძველი ახალ წყალქვეშა ნავს "ტიპი 92" ჩაეყარა. 1981-ში ის წყალში ჩაუშვეს. მაგრამ მრავალრიცხოვანი გაუმართაობის და დეფექტების გამო, ის მხოლოდ ჩინეთის საზღვრისპირა რეგიონებში ცურავდა. შესაბამისად, საბრძოლო პატრულირებაზე გასვლამდე საქმე არ მისულა.
"ტიპი 92" ერთადერთ ეგზემპლიარად დარჩა. დეფექტების გამოსწორებას კი ჩინელები ახალი წყალქვეშა ნავის "ტიპი 94" მშენებლობისას შეეცადნენ. 140 მ-ის მაქსიმალური სიგრძის პირობებში, ის 12 ბირთვულ ქობინიანი რაკეტითაა შეიარაღებული. წყალქვეშა ხომალდს 120 კაციანი ეკიპაჟი ემსახურება. ჩინეთის განკარგულებაში არსებული ამ ტიპის წყალქვეშა ნავების ზუსტი რაოდენობა უცნობია. თუმცა დანამდვილებით ცნობილია, რომ არადამაკმაყოფილებელი მახასიათებლების გამო, ბირთვული რაკეტებით შეიარაღებული "ტიპი 94"-ის ღია ზღვაში გაშვება კვლავაც ჭიანურდება.
მოამზადა ნუკრი მგელაძემ topwar.ru-ის მიხედვით.
