18
მაისიდღის ზოგადი ასტროლოგიური პროგნოზი
საქართველოს ელჩი ევროსაბჭოში, მამუკა ჟღენტი თანამდებობას ტოვებს. როგორც "ინტერპრესნიუსს" მამუკა ჟღენტმა განუცხადა , თანამდებობის დატოვების შესახებ მასთან სატელეფონო საუბრები იყო როგორც პრეზიდენტის ადმინისტრაციიდან, ასევე საგარეო საქმეთა სამინისტროდან, თუმცა ოფიციალურად გათავისუფლების შესახებ ბრძანება ჯერ არ მიუღია.
"თუმცა ვიცი, რომ პრეზიდენტის მიერ ეს უკვე ხელმოწერილია და პროცედურით საგარეო საქმეთა მინისტრმა უნდა მიიღოს გადაწყვეტილება თარიღებზე",- განაცხადა მამუკა ჟღენტმა.
მისივე თქმით, ელჩების გამოწვევის საკითხი მთავრობის და პრეზიდენტის მიერ მიღებული გადაწყვეტილებაა.
რაც შეეხება მის მომავალ საქმიანობას, როგორც მამუკა ჟღენტი აცხადებს, 18 წელია დიპლომატიურ სამსახურშია და იმედი აქვს, რომ დიპლომატიური კარიერის გაგრძელებას შეძლებს, რადგან ყოველთვის სამშობლოს ემსახურებოდა.
"ალბათ, დავრჩები დიპლომატიურ სამსახურში. უბრალოდ, სად და რა ფორმით, ჯერ ეს არ არის ჩემთვის ცნობილი", -დასძინა ჟღენტმა.
ასევე იხილეთ: "პუტინის ბიჭებს "ევასებათ" პინგვინები" - ელჩისა და "ნაცმოძრაობის" ლიდერების ვიდეოჩანაწერი
