18
მაისიდღის ზოგადი ასტროლოგიური პროგნოზი
შვეიცარიაში სულ უფრო კარგავს პოპულარობას ყველი და შოკოლადი. პირველ ადგილს შვეიცარიელთა რაციონში ძაღლებისა და კატების ხორცი იკავებს. ახალი ტენდენციის შესახებ შვეიცარული გაზეთი Tagesanzeiger წერს.
ძაღლისა და კატის ხორცი განსაკუთრებული პოპულარობით სარგებლობს აპენზელისა და სენტ-გალენის ფერმერებში. იქ ყველაზე გემრიელად როტვეილერის ხორცს მიიჩნევენ.
"ჩვენს გატაცებაში უჩვეულო არაფერია, - განუცხადა გაზეთს ერთ-ერთმა ადგილობრივმა ფერმერმა, - ყველა ხორცი ერთია, განურჩევლად იმისა, თუ რომელ ცხოველს ეკუთვნის ის. კატებისა და ძაღლების ხორცი ყველაზე მეტად მშენებლებს მოსწონთ".
ფერმერები ამბობენ, რომ კატებსა და ძაღლებს სპეციალურად საკვებად ზრდიან. როცა ისინი იზრდებიან, მათ დასაკლავად ნაცნობ ყასაბს ქირაობს.
ცხოველთა დამცველები შვეიცარიელთა ახალი გატაცებით შეშფოთებულნი არიან, თუმცა არაფრის გაკეთება შეუძლიათ. ჯერჯერობით კატისა და ძაღლის ხორცი კომერციულ გაყიდვაში არ არის, გარდა ამისა, შვეიცარიის კანონმდებლობა შინაური ცხოველების დახოცვას მხოლოდ სასტიკი მეთოდებით კრძალავს.
გაზეთის ინფორმაციით, ჯერჯერობით არ არსებობს ოფიციალური სტატისტიკა, თუმცა ძაღლებისა და კატების ხორცი განსაკუთრებული პოპულარობით რეინის დაბლობში სარგებლობს. შინაური ცხოველების ხორცის მოყვარულები, ცხოველთა დამცველების შიშით, თავიანთი ვინაობის გამხელას ერიდებიან. თუმცა მათი რიცხვი დღითიდღე იზრდება, რაც მათ სითამამეს მატებს.
მომზადებულია Tagesanzeiger-ის მიხედვით.
