1
აპრილიდღის ზოგადი ასტროლოგიური პროგნოზი
ცნობილმა სკულპტორმა ხრისტო იავაშევმა გრანდიოზული პროექტი მოამზადა, რომელიც უდაბნოში, აბუ-დაბის სამხრეთით განხორციელდება. წაკვეთილი პირამიდის ფორმის სკულპტურა "მასტაბა" გიზის დიდ პირამიდაზე მაღალი იქნება.
სკულპტურა, რომლის სიმაღლე 150 მეტრია და 212 მლნ ფუნტი სტერლინგი ღირს, პარიზის ეიფელის კოშკის მსგავსად, აბუ-დაბის ერთგვარი სიმბოლო გახდება. პროექტში - "მასტაბა" ჩადებულია აბუ-დაბის ამბიციური სურვილი, გახდეს მსოფლიოს ხელოვნებისა და კულტურის ცენტრი.
სკულპტურა აბუ-დაბის ნავთობის მრეწველობის სიმბოლოც გახდება, რომელიც ქალაქის აყვავების საფუძველი გახდა - იგი სხვადასხვა ფერის მყარი ნავთობის ბლოკებით აიგება.
ხრისტოს ჩანაფიქრით, სკულპტურა წითელი და ოქროსფერი ქვიშის ფონზე მზის ჩასვლისას ძალიან ლამაზი სანახავი იქნება.
ხრისტომ და მისმა გარდაცვლილმა მეუღლემ ეს პროექტი ჯერ კიდევ 30 წლის წინ ჩაიფიქრეს, მაგრამ იგი რეგიონში კონფლიქტის გამო გადაიდო.
ამჟამად, წარმოშობით ბულგარელი ხელოვანის პროექტს მხარს ტახტის მემკვიდრე პრინცის უმცროსი ძმა, შეიხი ჰამდან ბენ ზაიდ ალ ნახაიანი უჭერს. ხრისტოს თქმით, პროექტს დამოუკიდებელი ინვესტორებიც აფინანსებენ, მაგრამ მათი სახელები არ ხმაურდება. "მასტაბას" მშენებლობას 30 თვე სჭირდება.
მომზადებულია The Daily Mail-ის მიხედვით.
