მნიშვნელოვანი ინფორმაცია
17
მაისიდღის ზოგადი ასტროლოგიური პროგნოზი
შაბათი, მთვარის მეოცე დღე დაიწყება 02:13-ზე, მთვარე თხის რქაშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. ქორწინება და ნიშნობა სხვა დღისთვის გადადეთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
კახა კახიშვილი: "რაც შეეხება 2024 წლის პარლამენტს და არშესულ ოპოზიციას, ბუნებრივია, შესაძლებელია კრიზისის განმუხტვის მიზნით, 2026 წელს რიგგარეშე საპარლამენტო არჩევნები ჩატარდეს"
11:12 / 08-04-2025
ქართულმა ოცნებამ“ ორი წელი შეიძლება გამოიყენოს საპარლამენტო საქმიანობაში სხვადასხვა რეგულაციის შესაქმნელად და 2026 წელს რაღაც ტიპის კრიზისის საფუძველზე შეიძლება რიგგარეშე არჩევნები დაინიშნოს, - ამის შესახებ პოლიტიკოსმა, კახა კახიშვილმა "პალიტრანიუსის“ გადაცემაში "360 გრადუსი“ განაცხადა.
ამავე კონტექსტში საუბრისას კახიშვილი თვლის, რომ ოპოზიციამ დიდი შეცდომა დაუშვა, რომ პარლამენტში არ შევიდა, რადგან "ქართულ ოცნებას“ მისცეს სწორედ იმ კანონების მიღების საფუძველი, რომელსაც "ასე აკრიტიკებდნენ“.
პოლიტიკოსი 2024 წლის პარლამენტს, როგორც დროებით პარლამენტს ისე უყურებს.
"ძალიან დიდი შეცდომა იყო, რომ 2024 წლის პარლამენტში არ შევიდა ოპოზიცია. ფაქტობრივად, "ქართულ ოცნებას“ მისცეს "კარტ-ბლანში“, თუნდაც იმ კანონების მიღებით, რომელსაც ასე აკრიტიკებდნენ. დარწმუნებული ვარ, რომ იმ რაოდენობით ოპოზიცია რომ შესულიყო პარლამენტში, კანონებს ასეთი დოზით არ მიიღებდნენ.
მე 2024 წლის პარლამენტს ვუყურებ, როგორც დროებით პარლამენტს. ჩემი აზრით, ახლა მიდის იმის გამკაცრება, რაც თავის დროზე მიშვებული იყო და მიგვაშვებინეს. თავის დროზე ე.წ. ევროპელმა პარტნიორებმა, არასამართლიანი რეგულაციები მიგვაღებინეს, ფაქტობრივად, საძალაუფლებო ბერკეტები დამახინჯებული იყო, შესაბამისად, ორი წლის მანძილზე მოხდება ამ რეგულაციების გასწორება და შემდეგ შეიძლება სხვა ტიპის კანონმდებლობაც ვნახოთ, რომელიც მაინცდამაინც სასიამოვნო არ არის, მაგრამ ოპოზიცია პარლამენტში რომ ყოფილიყო, ამაზე აუცილებლად იქნებოდა დებატები და ბევრ კანონს ვერ მიიღებდნენ“,- განაცხადა კახიშვილმა.
მისი თქმით, შეუძლებელია არასასიამოვნო გარემოს აღმოფხვრა, თუ არ იქნება რიგგარეშე საპარლამენტო არჩევნები.
"ჩემი აზრით, ეს ორი წელი "ქართული ოცნების“ საპარლამენტო უმრავლესობას დასჭირდება, რომ გამოასწოროს და გაამკაცროს რეგულაციები, შეიძლება, სხვა ტიპის კანონმდებლობაც მიიღოს, რადგან მარტო არიან დარჩენილები და მაკონტროლებელი არავინ ჰყავთ და 2026 წელს რიგგარეშე საპარლამენტო არჩევნები ჩატარდება. სხვანაირად შეუძლებელია არასასიამოვნო გარემოს აღმოფხვრა, თუ არ იქნება რიგგარეშე საპარლამენტო არჩევნები“,- აღნიშნა პოლიტიკოსმა.
ამასთან, კახიშვილი განმარტავს, რომ საპარლამენტო არჩევნების ჩატარების სურვილი შეიძლება თვითმმართველობის არჩევნებზე ყოფილიყო, მაგრამ თვითმმართველობის არჩევნები სპეციფიკურია და სხვა მომზადებას საჭიროებს. ის დასძენს, რომ "არ გარისკეს“.
"ამის სურვილი შეიძლება ყოფილიყო თვითმმართველობის არჩევნებზე, მაგრამ თვითმმართველობის არჩევნები იმდენად სპეციფიკურია, სულ სხვა მომზადება უნდა, ამიტომ არ გარისკეს. ეს ორი წელი შეიძლება გამოიყენონ საპარლამენტო საქმიანობაში სხვადასხვა რეგულაციის შესაქმნელად და 2026 წელს რაღაც ტიპის კრიზისის საფუძველზე შეიძლება დაინიშნოს რიგგარეშე არჩევნები“, - განაცხადა კახიშვილმა.
იხილეთ ასევე:
00:00 / 00:00
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
