19
მაისიდღის ზოგადი ასტროლოგიური პროგნოზი
ილუზიონისტ გია ფარადაშვილისა და მისი მეუღლის, ირინას თანაცხოვრება 25 წელს ითვლის. მათ ერთმანეთი სცენაზე გაიცნეს, ამის შემდეგ საქმეშიც პარტნიორები გახდნენ. ირინა მეუღლეს სცენაზე ასისტენტობას უწევს. წყვილს ორი შვილი ჰყავს.
ირინა ასაკით საკმაოდ პატარაა მეუღლეზე. სწორედ ამ თემაზე ისაუბრეს ირინამ და გიამ "პრაიმ შოუში", რასაც დიდი გამოხმაურება მოჰყვა.
გია ფარადაშვილი:
"ჩვენ შორის 27 წელია სხვაობა, მაგრამ წლებს არ აქვს არავითარი მნიშვნელობა, მე ძალიან მიყვარს ჩემი მეუღლე… მე ჩემს წლებს არ ვუყურებ, 67 წლის ვხდები და ახლაც შემიძლია ავდგე და ვიფრინო… ჩემს წლებს მე არ ვუყურებ, პირიქით, სადაც არ ვარ, ყველას ვეუბნები, 39 წლის. მინდა, რომ გავუსწორდე ჩემს მეუღლეს წლებით.
ირინა ჩვენმა ახლობელმა გამაცნო. მე ქალების მოყვარული ვიყავი. მაშინ მჭირდებოდა, რომ მყოლოდა სცენაზე გვერდზე ვინმე, ვინც დამეხმარებოდა. შემდეგ შეგვიყვარდა ერთმანეთი. უკვე 25 წელია ცოლ-ქმარი ვართ.
ერთ-ერთი ყველაზე სიმპათიური მსახიობი ვიყავი 70-იან წლებში. სცენაზე რომ გამოვდიოდი, ყვავილების კონა მელაგა ხოლმე… 2003 წელს "მის მსოფლიო ფოტომოდელის“ კონკურსზე მეორე ადგილი აიღო. გვიყვარს ერთმანეთი ძალიან მაგრად. მე ფიცი ჩემს გულში დავდე… მოგულავე პიროვნება ვიყავი და ირა რომ მოვიყვანე ცოლად, ვთქვი, არავის შევხედავ, მორჩა-მეთქი. ყველაფერი წაიშალა ჩემს გულში".
ირინა ფარადაშვილი:
"მთავარია, არავის უსმინო, არავის ფიქრზე იყო დამოკიდებული. უნდა მოიქცე ისე, როგორც შენს გულს უნდა. გია არის ისეთი ადამიანი, რომელსაც ასაკი არ აქვს. ყოველთვის სიმპათიურია, მოვლილ. სულ ცდილობ რაღაცით გამაკვირვოს".
- გადაცემის შემდეგ უამრავი ადამიანი აკრიტიკებდა ილუზიონისტს. წერდნენ, რომ ეს არის პედოფილია, როცა 15-16 წლის გოგონა 40 წლის კაცზე თხოვდება. სოცქსელში აგორებულ სკანდალს ირინა ფარადაშვილი სოციალურ ქსელში ეხმაურება:
"მინდა გამოვეხმაურო საზოგადოების უსამართლო აღშფოთებას ჩემი და ჩემი მეუღლის “პრაიმშოუში” სტუმრობის შემდეგ. ერთის მხრივ "მიხარია, რომ საზოგადოებას ისე აქვს თავისი პირადი ცხოვრება აწყობილ-დალაგებული, რომ "კალკულატორით" სხედან ეკრანთან და სხვის პირადს განიხილავენ.
დავიბადე 1983 წლის ნოემბერში, ვარ 42 წლის. გია გავიცანი 18 წლის რომ გავხდი. ჩემი მეუღლე დღემდე მე მეკითხება ჩვენი შვილების ასაკს და არც გადაცემის მსვლელობისას გამკვირვებია წლებთან დაკავშირებული არასწორი თარიღების გაჟღერება. კიდევ ერთხელ ვიმეორებ, რომ დაქორწინების მომენტში მე სრულწლოვანი ვიყავი, 18 წლის! გთხოვთ თავი შეიკავეთ ბულინგისგან და ჩემზე და ჩემს ოჯახის წევრებზე ფსიქოლოგიური და მორალური ზეწოლისგან!
გარდა ამისა ჩემი და ჩემზე უფროსი თაობისთვის პატარა ასაკში გათხოვება არანაირ პრობლემას არ წარმოადგენდა, ვგულისხმობ იმას რომ ადრე გოგონები ძალიან პატარა ასაკში თხოვდებოდნენ - სხვა საკითხია ეს ცუდია თუ კარგი, მაგრამ ფაქტია. მე და ჩემს მეუღლეს გვაქვს სრულფასოვანი ბედნიერი ოჯახი და ყველას გისურვებთ ასეთივე ბედნიერი ოჯახის შექმნას" - წერს ფარადაშვილი.
