18
მაისიდღის ზოგადი ასტროლოგიური პროგნოზი
დედამიწას გიზის პირამიდის ზომის ასტეროიდი უახლოვდება - ინფორმაციას ამის შესახებ აშშ-ის აერონავტიკისა და კოსმოსური სივრცის კვლევის ეროვნული სამმართველო (NASA) ავრცელებს.
- ასტეროიდი, სახელად 2014 TN17, დედამიწას, ოთხშაბათს ჩაუფრენს. მიუხედავად იმისა, რომ ასტეროიდი კლასიფიცირებულია, როგორც "პოტენციურად სახიფათო", დედამიწასთან შეჯახების რისკი დაბალია.
"2014 TN17 საკმაოდ დიდია იმისთვის, რომ ჰიპოთეზურად ქალაქი გაანადგუროს, მაგრამ ამის საშიშროება არ არსებობს“, - თქვა დოქტორ ჯეიმს ო'დონოგიუმ, რედინგის უნივერსიტეტის ასტრონომმა.
შარშან, NASA-ს მისია DART-ის აპარატი მიზანმიმართულად შეეჯახა პირამიდის ზომის ასტეროიდ დიმორფოსს და მნიშვნელოვნად შეუცვალა ტრაექტორია. ეს გახლდათ პლანეტური თავდაცვის სისტემის პირველი ასეთი ტესტი.
- დედამიწასთან შედარებით სიახლოვის გამო, ასტეროიდი კლასიფიცირებულია, როგორც დედამიწის მახლობელი ობიექტი (NEO). მათი ზომები რამდენიმე მეტრიდან 500 კმ-მდე მერყეობს. ასტეროიდების უმეტესობა გვხვდება მარსსა და იუპიტერს შორის არსებულ ვრცელ რეგიონში, რომელსაც ასტეროიდთა სარტყელი ეწოდება. იუპიტერის გრავიტაციამ დიდი როლი ითამაშა ობიექტების ასტეროიდების სარტყლიდან ამოგდებაში.
სამწუხაროდ, არსებობს კოსმოსური ქანების გარკვეული ტიპი, რომლის ტრაექტორიის შეცვლა რთული ან შეუძლებელი იქნება ადამიანის მიერ შექმნილი ნებისმიერი ობიექტით.
მაგალითად, ასტეროიდი იტოკავა ფხვიერი ლოდებისა და კლდეებისგან შედგება. ასეთი ასტეროიდი შთანთქავს ნებისმიერი დარტყმის ენერგიას და თავის ტრაექტორიას გააგრძელებს.
