მნიშვნელოვანი ინფორმაცია
22
მარტიდღის ზოგადი ასტროლოგიური პროგნოზი
შაბათი, მთვარის ოცდამესამე დღე დაიწყება 04:51-ზე, მთვარე მშვილდოსანშია
კარგი დღეა ძველი საქმეების დასასრულებლად. ახლებს ნუ წამოიწყებთ. ნუ განახორციელებთ სერიოზულ ფინანსურ ოპერაციებს. სწავლისთვის ნეიტრალური დღეა, მაგრამ გამოცდა სხვა დროისთვის გადადეთ. უმჯობესია ეს დღე განმარტოებით, ბუნებაში გაატაროთ. მაქსიმალურად შეამცირეთ კონტაქტები, გულითადი საუბრები. მოერიდეთ ხელმძღვანელობასთან კონფლიქტს. სამსახურის, საქმიანობის შეცვლას. გათავისუფლდით უსარგებლო ნივთებისგან. არასასურველი დღეა ქორწინებისა და ნიშნობისთვის. მოერიდეთ ხორციან კერძებს. გაუფრთხილდით ღვიძლს. მოერიდეთ ღვიძლისა და ნაღვლის ბუშტის ოპერაციას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
დადასტურდა, რომ ჩინეთმა 4 კანადელი სიკვდილით დასაჯა - ექსპერტები ორ ქვეყანას შორის ისედაც გართულებული ურთიერთობის კიდევ მეტად გაუარესებაზე ლაპარაკობენ
15:34 / 20-03-2025
კანადის ხელისუფლების წარმომადგენლებმა დაადასტურეს, რომ ჩინეთში ოთხი კანადელი ნარკოტიკებთან დაკავშირებული ბრალდებებით, მიმდინარე წლის დასაწყისში სიკვდილით დასაჯეს.
როგორც კანადის საგარეო საქმეთა მინისტრმა, მელანი ჟოლიმ განაცხადა, სიკვდილით დასჯილებიდან ყველა მათგანს ორმაგი მოქალაქეობა ჰქონდა. მათი ვინაობა არ გამჟღავნებულა.
კანადაში ჩინეთის საელჩოს წარმომადგენელმა, მოუწოდა ოტავას, "შეწყვიტოს უპასუხისმგებლო განცხადებების გაკეთება". წლების განმავლობაში არსებული დაძაბულობის შემდეგ, ექსპერტები ქვეყნებს შორის ურთიერთობების შემდგომ გაუარესებას ელოდებიან.
ჩინეთის საელჩომ განაცხადა, რომ დასჯილთა დანაშაულებისთვის "მყარი და საკმარისი" მტკიცებულებები არსებობდა და დასძინა, რომ პეკინმა "სრულად უზრუნველყო კანადელი მოქალაქეების უფლებებისა და ინტერესების დაცვა" და მოუწოდა კანადას, პატივი სცეს "ჩინეთის სასამართლოს სუვერენიტეტს".
ჩინეთი ორმაგ მოქალაქეობას არ აღიარებს და ნარკოტიკულ დანაშაულებთან დაკავშირებით მკაცრ პოზიციას ინარჩუნებს. მიუხედავად იმისა, რომ სიკვდილით დასჯის შემთხვევათა რაოდენობა საიდუმლოდ ინახება, ადამიანის უფლებათა დაცვის ჯგუფები მიიჩნევენ, რომ ჩინეთს ამ კუთხით მსოფლიოში ერთ-ერთი ყველაზე მაღალი მაჩვენებელი აქვს, თუმცა, უცხოელების სიკვდილით დასჯა ჩინეთშიც იშვიათია.
კანადასა და ჩინეთს შორის ურთიერთობები 2018 წლიდან დაიძაბა, მას შემდეგ, რაც კანადამ ჩინეთის ტელეკომუნიკაციების აღმასრულებელი პირი, მენგ ვანჟოუ, აშშ-ის ექსტრადიციის მოთხოვნით დააკავა. ჩინეთმა საპასუხოდ მალევე ორი კანადელი დააკავა - თუმცა ახლა ყველა მათგანი გათავისუფლებულია.
ამ წლის დასაწყისში კანადურმა მედიამ გაავრცელა რეპორტაჟები, რომლებიც გაჟონილ სადაზვერვო ინფორმაციას ეყრდნობოდა. რეპორტაჟებში ლაპარაკი იყო კანადის ბოლო ორ ფედერალურ არჩევნებში ჩინეთის ჩარევის შესახებ დეტალური ბრალდებებზე, რასაც ჩინეთი "უსაფუძვლოსა და ცილისმწამებლურს" უწოდებს.
უფრო ახლო პერიოდში, ჩინეთმა კანადის სოფლის მეურნეობისა და საკვები პროდუქტების ზოგიერთ იმპორტზე დააწესა ტარიფები, რაც ოტავას მიერ ჩინურ ელექტრო მანქანებზე, ფოლადსა და ალუმინზე დაწესებული გადასახადების საპასუხო ზომა იყო.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს ფარულ ჩანაწერებს აქვეყნებს - დაკავებულია 3 პირი: კადრებში ჩანს, როგორ ყიდიან ნარკოტიკს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
