მნიშვნელოვანი ინფორმაცია
19
მაისიდღის ზოგადი ასტროლოგიური პროგნოზი
ორშაბათი, მთვარის ოცდამეორე დღე დაიწყება 02:56-ზე, მთვარე მერწყულშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. ქორწინება და ნიშნობა სხვა დღისთვის გადადეთ. გაფრთხილდით, მოსალოდნელია ტრავმები და მოტეხილობები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"გიორგი ბაჩიაშვილს უთხარით ღამე არ დაიძინოს იმიტომ, რომ მისწვდებიან ქართველი სამართალდამცველები" - ბოჟაძე
12:00 / 05-03-2025
გიორგი ბაჩიაშვილს კიდევ რომ დაუკავშირდებით, უთხარით რომ ღამე არ დაიძინოს იმიტომ, რომ ნებისმიერ დროს მისწვდებიან მას ქართველი სამართალდამცველები - ფხიზლად იყოს, - ამის შესახებ „ქართული ოცნების“ დეპუტატმა, ვლადიმერ ბოჟაძემ ჟურნალისტებთან განაცხადა.
- ამასთან, ბოჟაძე აღნიშნავს, რომ „თუ სადმე არსებობს მართლა ის „ხვრელი“, რომელზეც ბაჩიაშვილი საუბრობდა და რომელშიც, როგორც ჩანს, გაძვრა და გაეტია", ამასაც მოიძიებენ და შესაბამის ზომებს მიიღებენ.
„რომელი ხვრელიდან გაძვრა ბაჩიაშვილი, მე ნამდვილად არ ვიცი, ან ამ ხვრელიდან გაძრომაში ვინ დაეხმარა, თუმცა მე დარწმუნებული ვარ, რომ შესაბამისი უწყებები ამ საკითხს გამოიძიებენ და თუ ვინმეს რამე კავშირი ექნება მასთან, თუ ვინმემ ხელი შეუწყო მას, რომ უკანონოდ გადაეკვეთა საქართველოს საზღვარი, რა თქმა უნდა, ეს ადამიანებიც იქნებიან პასუხისგებაში მიცემული. რაც შეეხება ბაჩიაშვილს - ის ქართულ მართლმსაჯულებას ვერსად გაექცევა. რომელ ქვეყანაშიც არ უნდა იყოს და რომელ ქვეყანაშიც არ უნდა ეგონოს თავი უსაფრთხოდ, ქართული მართლმსაჯულება მას ყველგან მისწვდება და იმ დანაშაულებზე, რომელიც მან უკვე ჩაიდინა და იმ დანაშაულზე, რომელიც ახლა დაამატა ქვეყნიდან გაპარვით, რა თქმა უნდა, მას მოუწევს შესაბამისი პასუხისგება. სისტემის მორღვევა რაში გამოიხატება, მე არ ვიცი. თქვენ იცით, რომ შესაბამისი უწყებები მუშაობენ. თუ სადმე არსებობს მართლა ის ხვრელი, რომელზეც თავად ბაჩიაშვილი საუბრობდა და რომელშიც, როგორც ჩანს, გაძვრა და გაეტია, რა თქმა უნდა, ამასაც მოვიძიებთ და შესაბამის ზომებს მივიღებთ”, - განაცხადა ბოჟაძემ.
ამასთან, უმრავლესობის დეპუტატმა აღნიშნა, რომ ბრალდებულებზე 24-საათიან თვალთვალს არავინ ახორციელებს, მათ შორის, არც გიორგი ბაჩიაშვილზე.
მისი თქმით, ქვეყნიდან შეიძლება გაიპაროს ნებისმიერი ადამიანი, ვისაც უნდა რომ კანონი დაარღვიოს.
„ბაჩიაშვილს ჰქონდა [ქვეყნიდან] გაუსვლელობაზე ხელისმოწერა, ჩამორთმეული ჰქონდა შესაბამისი დოკუმენტები. თქვენ გგონიათ ბაჩიაშვილს, თუ ნებისმიერ ეჭვმიტანილს უნდა სდიოს სახელმწიფო სისტემამ?! გავარკვევთ, რა სივრცე გამოიყენა მან. შესაძლოა, ეს იყოს აფხაზეთის, ან სამაჩაბლოს მიმართულება. თუ რუსეთშია თქვენი ძვირფასი ბაჩიაშვილი ამასაც დავადგენთ“, - აღნიშნა მან.
ამასთან, ჟურნალისტის კითხვაზე, ბრაზობს თუ არა ბიძინა ივანიშვილი გიორგი ბაჩიაშვილზე, ბოჟაძემ უპასუხა: „არ მგონია, ბიძინა ივანიშვილი ვინმეზე ბრაზდებოდეს, მით უმეტეს, ბაჩიაშვილზე. [რატომ?] რა ვიცი, ასეთი ადამიანია, არავისზე ბრაზდება“.
ცნობისთვის, „თანაინვესტირების ფონდის“ ყოფილმა ხელმძღვანელმა, გიორგი ბაჩიაშვილმა „ტვ პირველის“ ეთერში განაცხადა, რომ ქვეყნიდან წასასვლელად, სისტემაში არსებული ხვრელები და მათ შორის ადამიანებიც, გამოიყენა. მანამდე, ბაჩიაშვილმა ასევე აღნიშნა, რომ სისტემა მორყეულია და მასში მყოფ ადამიანებს საქმის კარგად კეთების მოტივაცია აღარ აქვთ.
შეგახსენებთ, გიორგი ბაჩიაშვილმა გუშინ განაცხადა, რომ საქართველო დატოვა. მას ორ საქმეზე აქვს ბრალი წაყენებული, მათ შორის, მას ბიძინა ივანიშვილის კრიპტოვალუტების მითვისებას ედავებიან.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვოლოდიმირ ზელენსკი, რომში აშშ-ის ვიცე-პრეზიდენტს ჯეი დი ვენსს და სახელმწიფო მდივანს მარკო რუბიოს შეხვდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
