მნიშვნელოვანი ინფორმაცია
19
მაისიდღის ზოგადი ასტროლოგიური პროგნოზი
ორშაბათი, მთვარის ოცდამეორე დღე დაიწყება 02:56-ზე, მთვარე მერწყულშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. ქორწინება და ნიშნობა სხვა დღისთვის გადადეთ. გაფრთხილდით, მოსალოდნელია ტრავმები და მოტეხილობები.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
უკრაინის რადამ მხარი დაუჭირა განცხადებას დემოკრატიისა და ვოლოდიმირ ზელენსკის ლეგიტიმურობის შესახებ
15:49 / 25-02-2025
უკრაინის უმაღლესმა რადამ მხარი დაუჭირა “განცხადებას რუსეთის ფედერაციის აგრესიის პირობებში უკრაინაში დემოკრატიის მხარდაჭერის შესახებ“. ინფორმაციას უკრაინული მედია სახალხო დეპუტატზე, იაროსლავ ჟელეზნიაკზე დაყრდნობით ავრცელებს.
- მისივე ინფორმაციით, დოკუმენტს მხარი 268 სახალხო დეპუტატმა დაუჭირა.
ჟელეზნიაკის ცნობით, უკრაინის უმაღლესი რადა თავის განცხადებაში აღნიშნავს, რომ სწორედ ვლადიმირ პუტინს ეკისრება პასუხისმგებლობა იმ ფაქტზე, რომ ამჟამად შეუძლებელია უკრაინაში თავისუფალი, გამჭვირვალე და დემოკრატიული არჩევნების ორგანიზება საერთაშორისო დამკვირვებლების მოწვევით.
დოკუმენტში ასევე აღნიშნულია, რომ უკრაინაში რუსეთის ფედერაციის სრულმასშტაბიანი შეჭრის პირობებში შემოღებული საომარი მდგომარეობა არ იძლევა უკრაინის კონსტიტუციის შესაბამისად არჩევნების ჩატარების საშუალებას. ამავდროულად, უკრაინელი ხალხი გაერთიანებულია იმ რწმენით, რომ ასეთი არჩევნები ომის დასრულების შემდეგ უნდა ჩატარდეს.
განცხადებაში ასევე ნათქვამია, რომ როგორც კი უკრაინის ტერიტორიაზე ყოვლისმომცველი, სამართლიანი და მდგრადი მშვიდობა იქნება უზრუნველყოფილი, უმაღლესი რადა გამოაცხადებს უკრაინაში საპრეზიდენტო არჩევნების ჩატარებას და უზრუნველყოფს მათ ჩატარებას ყველა საერთაშორისო საარჩევნო სტანდარტის შესაბამისად.
დოკუმენტში აღნიშნულია, რომ ვოლოდიმირ ზელენსკი თავისუფალი, გამჭვირვალე, დემოკრატიულ არჩევნების შედეგად აირჩიეს და მის მანდატს უკრაინელი ხალხი და უკრაინის უმაღლესი რადა ეჭვქვეშ არ აყენებს.
უკრაინის პარლამენტი ხაზს უსვამს, რომ უკრაინის კონსტიტუციის 108-ე მუხლის პირველი ნაწილის შესაბამისად, ვოლოდიმირ ზელენსკიმ უნდა განახორციელოს თავისი უფლებამოსილება უკრაინის მომავალი ახლად არჩეული პრეზიდენტის მიერ თანამდებობის დაკავებამდე.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვოლოდიმირ ზელენსკი, რომში აშშ-ის ვიცე-პრეზიდენტს ჯეი დი ვენსს და სახელმწიფო მდივანს მარკო რუბიოს შეხვდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
