მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
17 წლის გოგონა 27 კილო იყო, რადგან მშობლები ჭამის უფლებას არ აძლევდნენ: ბალერინას ამბავი, რომელმაც ავსტრალია შეძრა - საქმის დეტალები
12:48 / 17-02-2025
გასულ თვეს ავსტრალიაში დააპატიმრეს 40 წელს გადაცილებული წყვილი, რომლებსაც ბრალად ედებათ ერთადერთი ქალიშვილის სიკვდილამდე მიყვანა.
CNN-ი სკანდალური საქმის დეტალებს წერს.
როგორც ცნობილი ხდება, დასავლეთ ავსტრალიის პერტის რაიონული სასამართლო 17 წლის ბალერინას ამბავს განიხილავს. ავსტრალიის კანონის თანახმად, რომელიც შექმნილია მსხვერპლი ბავშვების დასაცავად, არც მშობლების და არც მათი ქალიშვილის იდენტიფიცირება არ ხდება.
როდესაც 17 წლის გოგონა საავადმყოფოში მოხვდა, იმდენად ცუდ მდგომარეობაში იმყოფებოდა, რომ ექიმების თქმით, არსებობდა გულის გაჩერებისა და სიკვდილის საფრთხე.
"თმა მტვრევადი იყო, კანი აქერცლილი და გოგონა გაფითრებული იყო. ის 17 წლის იყო, მაგრამ ბევრად პატარას ჰგავდა. მშობლებიც ისე ეპყრობოდნენ, როგორც პატარა ბავშვს. სანამ გოგონა პატარებისთვის შესაფერის მულტფილმებს უყურებდა, წაიყვანეს სააბაზანოში, გაუწმინდეს ქვედა ნაწილი, თმა დაივარცხნეს,“ - წერს გამოცემა და აღნიშნავს, რომ 17 წლის გოგონას წონა 27,3 კილოგრამი იყო, იმდენივე, რაც 9 წლის ბავშვისთვის არის შესაფერისი.
"ქეითი“ (პირობითი სახელი) ახლა 20 წლისაა... მან უარი თქვა CNN-თან რაიმე სახის კომენტარის გაკეთებაზე.
მამის ადვოკატმა, ოლივერ პაქსმანმა კი განაცხადა, რომ მისი კლიენტი "ძალიან იმედგაცრუებულია" შედეგით.
"ეს არ არის საქმე ბალერინაზე, რომელიც არასრულფასოვანი კვების გამო დაზიანდა. თქვენი ქალიშვილი იზოლირებული გყავდათ, არ მიეცით საშუალება გაზრდილიყო, არ მიეცით განვითარების საშუალება ისე, როგორც მას ამის უფლება ჰქონდა,“ - განაცხადა მოსამართლე ლინდა ბლეკმა, რომელმაც მამას ექვსნახევარი წლით თავისუფლების აღკვეთა მიუსაჯა, დედას კი ხუთი წლით.
"ლამაზი პრინცესა ბალერინა"
როგორც საქმის მასალებიდან ხდება ცნობილი, გოგონას ძალიან უყვარდა ცეკვა. მაგრამ ოჯახი უცნაური ცხოვრების სტილს მისდევდა - როდესაც შვილი შეეძინა, დედამ სამსახური მიატოვა და ძირითადად სახლში იყვნენ გამოკეტილები. თანატოლებთან ურთიერთობის უფლებას, მხოლოდ ბალეტზე აძლევდა. ქეითის მამა ოჯახის შესანახად სრულ განაკვეთზე მუშაობდა.
"ჩემი ბალერინა პრინცესას, ლამაზი ფოტო!" - უწერია მამას "ფეისბუქზე“ გამოქვეყნებულ ერთ-ერთ ფოტოზე, რომელშიც მისი ქალიშვილი 14 წელზე გაცილებით ახალგაზრდად გამოიყურება.
მოსამართლემ თქვა, რომ ისინი იყვნენ ინტელექტუალური ადამიანები, რომლებმაც იცოდნენ, როგორ ერჩინათ თავი, თუმცა, მათ ქალიშვილს საკმარისი საკვებით არ უზრუნველყოფდნენ. წყვილმა შვილს ასევე არ მისცა საშუალება, რომ “ქეითი“ ნორმალური მოზარდი გაზრდილიყო. ამის გამო მან შეწყვიტა ზრდა და განვითარება.
სასამართლო პროცესის დროს მამამ განაცხადა, რომ შვილი 8 წლის ასაკში ვეგეტარიანელი და ადრეულ მოზარდობაში ვეგანი გახდა.
“ის ჭამდა დღეში სამჯერ და ჰქონდა წვდომა საჭმელზე, თქვა მან,“ - განაცხადა მამამ.
აღსანიშნავია, რომ ვეგანები თავს არიდებენ ცხოველური პროდუქტების, მათ შორის რძის პროდუქტებისა და კვერცხის ჭამას. მათი დიეტა ძირითადად ხილის, ბოსტნეულის, მარცვლეულის, თხილისა და თესლისგან შედგება.
საბოლოოდ გოგონა ისეთ მდგომარეობამდე მივიდა, რომ ბალეტის სკოლის მშობლები და ცეკვის მასწავლებლები ეხვეწებოდნენ, შვილისთვის ნუტრიციოლოგი ენახათ. მას შემდეგ, რაც მშობლებმა უარი განაცხადეს, კომპეტენტურ უწყებებს თავად სკოლის ადმინისტრაციამ მიმართა.
იმ დროისთვის, როდესაც “ქეითი“ 17 წლის ასაკში, საავადმყოფოში გადაიყვანეს, მისი სიმაღლე 147,5 სანტიმეტრი იყო. ხოლო სხეულის მასის ინდექსი 12,5 ჰქონდა, რაც საკმაოდ დაბალი მაჩვენებელია. ჯანსაღი დიაპაზნია 18-დან 25-მდე.
ექიმის თქმით, მას არ ჰქონდა სქესობრივი მომწიფების ნიშნები. თმა მტვრევადი და თხელი ჰქონდა, კანი მშრალი და ქერცლიანი იყო. პულსი აჩქარებული.
სანამ ექიმები მის მკურნალობას ცდილობდნენ, ქეითის მშობლები ღიად განიხილავდნენ თავიანთ ეჭვებს, რომ მათ წინააღმდეგ შეთქმულება მწიფდებოდა და სამედიცინო პერსონალის ნდობა არ შეიძლებოდა.
საბოლოოდ, ხელისუფლებამ გოგონა სახელმწიფო ზრუნვაში გადასცა. დღეს მისი ჯანმრთელობის მდგომარეობა დამაკმაყოფილებელია.
იხილეთ ასევე:
00:00 / 00:00
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უძრავი ქონება საქართველოში: ეკონომიკაზე გავლენა, ტენდენციები და პროგნოზები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
