მნიშვნელოვანი ინფორმაცია
27
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
მორიგი გაუგებრობა მექსიკელებსა და ამერიკელებს შორის: მექსიკა Google-ს სამართლებრივი ქმედებით ემუქრება, თუ "ამერიკის ყურე" "მექსიკის ყურედ" არ იქნება მოხსენიებული
14:57 / 14-02-2025
მექსიკის პრეზიდენტმა, კლაუდია შეინბაუმმა ხუთშაბათს განაცხადა, რომ მისი მთავრობა არ გამორიცხავს სამოქალაქო სარჩელის შეტანას Google-ის წინააღმდეგ, თუ ის შეინარჩუნებს თავის პოზიციას და ჩრდილო-აღმოსავლეთ მექსიკასა და აშშ-ს სამხრეთ-აღმოსავლეთს შორის არსებულ ზღვის მონაკვეთს "ამერიკის ყურეს" უწოდებს.
- ეს ტერიტორია, რომელიც მსოფლიოში დიდი ხნის განმავლობაში მექსიკის ყურედ იწოდებოდა, ბოლო კვირების განმავლობაში გეოპოლიტიკური ყურადღების ცენტრში მოექცა მას შემდეგ, რაც პრეზიდენტმა დონალდ ტრამპმა განაცხადა, რომ ყურის სახელს შეცვლიდა.
შეინბაუმმა ხუთშაბათს დილის პრესკონფერენციაზე განაცხადა, რომ მექსიკა კვლავ აკონტროლებს ყურის დიდ ნაწილს.
შეინბაუმუის თქმით, მიუხედავად იმისა, რომ მისმა მთავრობამ Google-ს წერილი გაუგზავნა და აცნობა, რომ კომპანია "ცდებოდა" და რომ "მთელ მექსიკის ყურეს არ შეიძლება ეწოდოს ამერიკის ყურე," კომპანია ჯიუტად ინარჩუნებს ამ ნომენკლატურას.
ჯერჯერობით გაურკვეველია, სად იქნება შეტანილი ასეთი სარჩელი.
- Google-მა გასულ თვეს თავის X ანგარიშზე, ყოფილ Twitter-ზე, განაცხადა, რომ ინარჩუნებს "ხანგრძლივ პრაქტიკას სახელების ცვლილების გამოყენებისას, როდესაც ისინი ოფიციალურ სამთავრობო წყაროებშია განახლებული."
Associated Press-ის ანალიზი აჩვენებს, რომ ხუთშაბათის მდგომარეობით, მომხმარებლის ადგილმდებარეობა და სხვა მონაცემები განსაზღვრავდა, როგორ გამოჩნდებოდა ყურე Google Maps-ზე. თუ მომხმარებელი შეერთებულ შტატებში იმყოფებოდა, წყლის მასა მისთვის ისე გამოჩნდებოდა, როგორც ამერიკის ყურე. თუ მომხმარებელი ფიზიკურად მექსიკაში იმყოფებოდა, ის გამოჩნდებოდა, როგორც მექსიკის ყურე. მსოფლიოს მრავალ სხვა ქვეყანაში ის ჩანს, როგორც "მექსიკის ყურე (ამერიკის ყურე)."
შეინბაუმმა არაერთხელ დაიცვა მექსიკის ყურეს სახელწოდება, აღნიშნავდა რა, რომ მისი გამოყენება 1607 წლიდან იწყება და გაეროს მიერაა აღიარებული.
მან ასევე ახსენა, რომ აპაცინგანის კონსტიტუციის თანახმად, მექსიკის პირველი კონსტიტუციის წინამორბედის მიხედვით, ჩრდილოეთ ამერიკის ტერიტორია ადრე იდენტიფიცირებული იყო, როგორც "მექსიკური ამერიკა".
ამ კონტექსტში, როგორც მექსიკის პრეზიდენტმა აღნიშნა , მექსიკის მთავრობა Google-ს მოსთხოვს, რომ რუკაზე ძიებისას "მექსიკური ამერიკა" გამოჩნდეს.
ეს პირველი შემთხვევა არ არის, როდესაც მექსიკელები და ამერიკელები ვერ თანხმდებიან მთავარი გეოგრაფიული არეალების სახელებზე. ასეთი მაგალითია სასაზღვრო მდინარე ტეხასსა და მექსიკის შტატებს: ჩიუაუას, კოაუილას, ნუევო ლეონსა და ტამაულიპასს შორის. მექსიკა მას რიო ბრავოს უწოდებს, ხოლო შეერთებული შტატებისთვის ის რიო გრანდეა.
ამ კვირაში თეთრმა სახლმა AP-ის რეპორტიორებს რამდენიმე ღონისძიებაზე დასწრება აუკრძალა, მათ შორის - ოვალურ კაბინეტში, სახელთან დაკავშირებით საინფორმაციო სააგენტოს პოლიტიკის გამო. AP იყენებს "მექსიკის ყურეს", მაგრამ ასევე აღიარებს ტრამპის მიერ მისთვის სახელის გადარქმევას, რათა უზრუნველhყოს, რომ გეოგრაფიული მახასიათებლების სახელები მთელ მსოფლიოში ადვილად ამოსაცნობი იყოს.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
