17
მაისიდღის ზოგადი ასტროლოგიური პროგნოზი
"ამ ეტაპზე გვჯერა, რომ უბედური შემთხვევის შედეგად არავინ გადარჩენილა", - ამის შესახებ ვაშინგტონის სახანძრო და სასწრაფო სამედიცინო სამსახურის უფროსმა, ჯონ დონელიმ განაცხადა.
- დონელის ცნობით, აშშ-ში მომხდარი ავიაკატასტროფის შემდეგ მაშველებმა მდინარე პოტომაკიდან 28 ცხედარი ამოიყვანეს.
"ახლა იმ ეტაპზე ვართ, რომ სამაშველო ოპერაციიდან სამძებრო ოპერაციაზე გადავდივართ. ამ ეტაპზე გვჯერა, რომ უბედური შემთხვევის შედეგად არავინ გადარჩენილა“, - განაცხადა დონელიმ.
ცნობისთვის, აშშ-ში ვაშინგტონის რეიგანის აეროპორტთან ახლოს American Airlines-ის სამგზავრო თვითმფრინავი აშშ-ის არმიის Black Hawk-ის ტიპის ვერტმფრენს შეეჯახა. შეჯახების შემდეგ თვითმფრინავიც და ვერტმფრენიც მდინარე პოტომაკში ჩავარდა.
- ვაშინგტონის მერის, მარიელ ბაუზერის ცნობით, თვითმფრინავში 64 ადამიანი, ხოლო ვერტმფრენის ბორტზე სამი სამხედრო იმყოფებოდა.
რთული პირობების მიუხედავად, შემთხვევის ადგილზე სამძებრო-სამაშველო ოპერაცია მიმდინარეობს.
