მნიშვნელოვანი ინფორმაცია
18
მაისიდღის ზოგადი ასტროლოგიური პროგნოზი
კვირა, მთვარის ოცდამეერთე დღე დაიწყება 02:39-ზე, მთვარე მერწყულში იქნება 09:27-დან
კარგი დღეა ფინანსური საკითხების მოსაგვარებლად; გუნდური მუშაობისთვის; ვაჭრობისთვის. კარგია საერთო მიზნისთვის გაერთიანება, მომავლის დასახვა. კარგია მგზავრობა, მივლინება; საქმიანობის შეცვლა. მოაგვარეთ საოჯახო საქმეები; დაისვენეთ. კარგი დღეა ქორწინებისა და ნიშნობისათვის. ერთგულების ფიცის დასადებად; მავნე ჩვევებისგან გასათავისუფლებლად. ნუ გადატვირთავთ ღვიძლს. გაისეირნეთ სუფთა ჰაერზე. არ დაძაბოთ და გადაღალოთ თვალები. კარგი დღეა დასვენებისთვის, შიმშილისთვის.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
აშშ-დან არალეგალი მიგრანტების დეპორტაცია დაიწყო - ქვეყანა სამხედრო თვითმფრინავებით დაატოვებინეს ასობით მიგრანტს, ასევე ასობით ადამიანი მექსიკის საზღვრიდან გააბრუნეს: რას წერს მედია
13:48 / 24-01-2025
დონალდ ტრამპის ბრძანება აშშ-დან არალეგალი მიგრანტების დეპორტაციის შესახებ უკვე ამოქმედდა და მიგრანტების ფართომასშტაბიანი დეპორტაცია დაიწყო.
გამოცემა Bild -ის ინფორმაციით, ინაუგურაციიდან სულ რაღაც 4 დღის შემდეგ, ასობით არალეგალი მიგრანტი ქვეყნიდან სამხედრო თვითმფრინავებით გაიყვანეს. გარდა ამისა ასობით ადამიანი მექსიკის საზღვრიდან უკან გააბრუნეს.
მედიაში კი ვრცელდება საზღვართან გადაღებული კადრები. ერთ-ერთ-მათგანზე ჩანს როგორ ტირის ქალი მას შემდეგ რაც შეიტყო, რომ საზღვრის გადაკვეთას ვეღარ შეძლებდა.
მანამდე ტრამპმა მანამდე განაცხადა, რომ აპირებს “მილიონობით არალეგალი მიგრანტის“ გაძევებას.
“ტრამპის ადმინისტრაციამ დააკავა 538 კრიმინალური ისტორიის მქონე არალეგალი მიგრანტი. მათ შორის, ტერორიზმში ეჭვმიტანილი, Tren de Aragua ბანდის ოთხი წევრი.
ეს ქვეყნის ისტორიაში ყველაზე დიდი მასობრივი დეპორტაციაა“, - წერს თეთრი სახლის პრეს-სპიკერი ქეროლაინ ლევიტი პლატფორმა X-ზე.
NBC – ის ცნობით, ფედერალური აგენტები წინასწარ არიან ინფორმირებულნი არალეგალების შესახებ.
სააგენტო აქვეყნებს სიუჟეტს, სადაც ჩანს, რომ ფედერალურ აგენტებს არალეგალურად მცხოვრები მიგრანტები სახლებიდან გამოჰყავთ, ავტომობილებში სვამენ და გადაჰყავთ სადეპორტაციო ცენტრებში.
არსებული ინფორმაციით, შეერთებულ შტატებში დაახლოებით 11 მილიონი არალეგალი მიგრანტია.
აშშ-ის არჩეულმა პრეზიდენტმა, დონალდ ტრამპმა ვაშინგტონში, ინაუგურაციამდე ერთი დღით ადრე, მხარდამჭერებთან გამართულ შეხვედრაზე პირობა დადო, რომ საპრეზიდენტო კამპანიის მთავარ დაპირებას შეასრულებს და იმიგრაციაზე შეზღუდვებს დააწესებს.
“ხვალ მზის ჩასვლისთვის, ჩვენს ქვეყანაში შემოჭრა შეჩერდება. ეს არის უდიდესი პოლიტიკური სვლა ამერიკის ისტორიაში და 75 დღის წინ ჩვენ მივაღწიეთ ყველაზე ეპიკურ პოლიტიკურ გამარჯვებას, რომელიც ჩვენს ქვეყანას ოდესმე უნახავს. ხვალიდან ვიმოქმედებ ისტორიული სისწრაფით და გამოვასწორებ თითოეულ კრიზისს, რომლის წინაშეც ჩვენი ქვეყანა დგას“, - განაცხადა ტრამპმა.
იხილეთ ასევე:
- ამერიკაში დაბადებული ყველა პირი ამ ქვეყნის მოქალაქე, სავარაუდოდ, ვეღარ გახდება - რას გეგმავს ტრამპი?
- ვის შეეხება მასობრივი დეპორტაცია და რა უნდა გაითვალისწინონ აშშ-ში მცხოვრებმა ქართველებმა - დიდი მოლოდინი ტრამპის საემიგრაციო პოლიტიკაზე: "გაურკვევლობა ყველას აშინებს"
00:00 / 00:00
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
