ჩაქვი-ბათუმის გზაზე ავტომობილი გზის გამყოფ ჯებირს შეეჯახა - დაშავდა 2 ადამიანი
ჩაქვი-ბათუმის დამაკავშირებელ ცენტრალურ საავტომობილო გზაზე ავტოსაგზაო შემთხვევის შედეგად ორი ადამიანი დაშავდა. ისინი სასწრაფო-სამედიცინო დახმარების ბრიგადამ ბათუმის რესპუბლიკურ საავადმყოფოში გადაიყვანა.
ექიმების ინფორმაციით, დაშავებულებს სხვადასხვა დაზიანება აღენიშნებათ და მათ სამედიცინო კვლევები უტარდებათ.
ადგილობრივების თქმით, მსუბუქ ავტომობილში 8 ადამიანი იმყოფებოდა, მათ შორის მცირეწლოვანი ბავშვებიც.
მათივე თქმით, მსუბუქი ავტომობილი გვირაბთან გზის გამყოფ ჯებირს შეეჯახა.
ადგილზე სამართალდამცავები არიან მობილიზებული.