"გილაურის ფონდის შექმნას, იდეაში კარგი მიზეზი აქვს, მაგრამ დავიტოვებ უფლებას, ეჭვის თვალით ვუყურებდე მის გააქტიურებას" - რას წერს ნანკა კალატოზიშვილი
მსახიობი ნანკა კალატოზიშვილი, რომელიც აქტიურად არის ჩართული მიმდინარე საპროტესტო აქციებში სოციალურ ქსელში წერს, რომ ყოფილი პრემიერის, ნიკა გილაურის მიერ ფონდის შექმნას და გააქტიურებას ეჭვის თვალით უყურებს.
- "გილაურის ფონდის შექმნას, ასე იდეაში კარგი მიზეზი აქვს, მაგრამ დავიტოვებ უფლებას, ეჭვის თვალით ვუყურებდე მის გააქტიურებას", - წერს ნანკა კალატოზიშვილი.
შეგახსენებთ, რომ ნიკა გილაურმა აქციაზე ნაცემი და დაშავებული მოქალაქეებისა და ჟურნალისტების, ასევე გაფიცული და სამუშაო ადგილებიდან წამოსული ადამიანების დასახმარებლად ფონდი დააფუძნა.
- კალატოზიშვილი კომენტარებში კიდევ ერთხელ აკონკრეტებს რატომ უჩენს ეჭვს გილაურის გააქტიურება და წერს:
"ზოგადად, ახალი ერა, ახალი ხალხით რომ იწყებოდეს და წრეზე არ ვიაროთ ქრონიკულად, მეტ პროგრესს მოუტანდა ამ ქვეყანას. ზუსტად ამიტომ ვუყურებ ეჭვის თვალით. ყველას აქვს უფლება საკუთარი აზრი გააჩნდეს. უბრალოდ ამ ფონდის მერე, მისი პოლიტიკაში გამოჩენა, სხვა რამის მანიშნებელი იქნება ჩემთვის. მეც ხომ მაქვს უფლება პირადი აზრების და ეჭვების.“