“ჩემთვის ლაშა ლომკაცია და არ მიკვირს, რომ შეიძლება ბოკვერი ჰყოლოდა - გინდათ შეჭამოს ლაშა თუ რა არის ამაში დანაშაული?" - ძიუდოს ნაკრების მთავარი მწვრთნელი

ძიუდოს ნაკრების მთავარი მწვრთნელი ლაშა გუჯეჯიანი ორგზის ოლიმპიური ჩემპიონის, ლაშა ბექაურის გარშემო ატეხილ სკანდალს ეხმაურება და აცხადებს, რომ შესაძლოა ლომის ბოკვერი სპორტსმენს არც ეკუთვნის, თუმცა ამაში გასაკვირი მისთვის არაფერია.

• "ადამიანს, რომელსაც ამხელა დამსახურებები აქვს ქვეყნის წინაშე, ლომის ბოკვერი რომ ჰყავდეს, დიდი ამბავი არ არის. ლოგიკურია, რომ შეიძლება მისცეს, არ ვიცი. საიდან მოიყვანა მე არ ვიცი.

ჩემთვის ლაშა ლომკაცია და აქედან გამომდინარე, მგონია, არ მიკვირს, რომ შეიძლება ლომი ჰყოლოდა.

რა უნდა დავმალო? რა ლომის ბოკვერი? მეც მინდა რომ მყავდეს. არ მყავს, მაგრამ მინდა რომ მყავდეს, დანაშაულია? რატომ გიკვირთ რომ ლომი ბოლოს თავის ადგილას მივა, რა? შეჭამოს ლაშა ეგ გინდათ თუ რა არის ამაში დანაშაული?" - ამბობს ძიუდოს ნაკრების მთავარი მწვრთნელი ლაშა გუჯეჯიანი "მთავარ არხთან".

ლაშა ბექაურმა საკუთარ Instagram-გვერდზე ვიდეო დადო, სადაც ჩანს, როგორ ეთამაშება თბილისის ქუჩებში მიმავალ ავტომანქანაში ლომის ბოკვერს.

იხილეთ ასევე:

• "ლომების ადგილი როდიდან არის ქალაქებში? კანონთან როგორ ხარ?" - რატომ გახდა კრიტიკის ობიექტი ლაშა ბექაურის ვიდეო, სადაც ჩანს, რომ ის ვაკეში ლომის ბოკვერთან ერთად სეირნობს