პარასკევ საღამოს, ცენტრალური გერმანიის ქალაქ მაგდებურგში, საშობაო ბაზრობაზე, მანქანა ხალხის მასაში შეიჭრა.
გავრცელებული ინფორმაციით, დაშავდა ათობით ადამიანი. გერმანული მაუწყებლის MDR-ის ცნობით, მომხდარის შედეგად, სულ ცოტა, ერთი ადამიანი დაიღუპა.
პოლიციამ მძღოლი დააკავა, - ამის თაობაზე იტყობინება ადგილობრივი ხელისუფლების წყაროებზე დაყრდნობით, გერმანიის საინფორმაციო სააგენტო dpa იტყობინება.
ხელისუფლებამ დახურა საშობაო ბაზრობა და ადგილზე მობილიზებულია სასწრაფო დახმარების სამსახური.
მაგდებურგი საქსონია-ანჰალტის შტატის დედაქალაქია და ბერლინის დასავლეთით მდებარეობს, ქალაქში დაახლოებით, 240 000 ადამიანი ცხოვრობს.
შეგახსენებთ, 2016 წლის 19 დეკემბერს ბერლინში, ისლამისტი ექსტრემისტი თავდამსხმელი საშობაო ბაზრობაზე დამსწრეთა მასაში სატვირთო მანქანით შეიჭრა, რის შედეგადაც 13 ადამიანი დაიღუპა და ათობით დაშავდა. თავდამსხმელი რამდენიმე დღის შემდეგ იტალიაში სროლის დროს მოკლეს.
