მნიშვნელოვანი ინფორმაცია
14
მარტიდღის ზოგადი ასტროლოგიური პროგნოზი
პარასკევი, მთვარის მეთექვსმეტე დღე დაიწყება 19:51-ზე, მთვარე სასწორს ესტუმრება 22:58-ზე
მშვიდობიანი საქმეები წარმატებით დასრულდება. კაპიტალდაბანდებებს მოერიდეთ. კარგი დღეა იურიდიული საკითხების მოსაგვარებლად, სასამართლო პროცესების დასაწყებად; შემოქმედებითი საქმიანობისთვის. გარშემო მყოფებთან ურთიერთობისას გამოიჩინეთ ტაქტი. უფროსს მნიშვნელოვან საკითხებზე საუბრისთვის ნუ შეხვდებით; წვრილ-წვრილი საკითხები მოაგვარეთ. კარგი დღეა დასვენების, მოგზაურობის, ფიზიკური დატვირთვისა და საოჯახო საქმეების შესრულებისთვის. მოერიდეთ ალკოჰოლის მიღებას, მოწევას. არც იშიმშილოთ და არც კუჭი გადატვირთოთ. გაუფრთხილდით თირკმლებს. მოერიდეთ სითხისა და ალკოჰოლის მიღებას. აგრეთვე სუსტდება ენდოკრინული სისტემა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
თოვლისგან ჩახერგილი გზები, შტორმი და ძლიერი ქარისგან დაზიანებული სახლები - ფოტოები რეგიონებიდან, სადაც უამინდობას ებრძვიან: სად რა ვითარებაა
14:15 / 14-12-2024
ძლიერი ქარის შედეგად ბათუმში რამდენიმე მრავალბინიანი საცხოვრებელი სახლის სახურავი და მწვანე ნარგავები დაზიანდა, ასევე დაფიქსირდა მცირე მეწყრული პროცესები.
ამის შესახებ ინფორმაციას ბათუმის მერია ავრცელებს. მათივე ცნობით, ყველა შემთხვევაზე მიმდინარეობს შესაბამისი რეაგირება.
"მთელი ღამის განმავლობაში უწყვეტად ხორციელდებოდა და ამ დრომდე გრძელდება ზღვაში გამსვლელი არხების წმენდა. დილიდან დაიწყო შტორმის შედეგად დაბინძურებული ძველი და ახალი ბულვარის პრომენადის გაწმენდითი სამუშაოები. მობილიზებულია და საგანგებო რეჟიმში მუშაობს მერიის ყველა შესაბამისი სამსახური“, - ნათქვამია გავრცელებულ ინფორმაციაში.
- გორის მუნიციპალიტეტში გზებზე ტექნიკური მარილის დაყრა გრძელდება. პარალელურად მიმდინარეობს დაზიანებული ელექტრო სადენების აღდგენა.
გორის მერიის ცობით, გორის მუნიციპალიტეტის ცენტრალურ გზებზე გაწმენდა და ტექნიკური მარილის დაყრა გვიან ღამით დაიწყო.
„თოვლმა და ძლიერმა ყინვამ გვიან ღამით პრობლემები შექმნა როგორც გზებზე, ასევე დააზიანა ელექტრო ენერგიის გადამცემი სადენები. ამ ეტაპისთვის ელექტრო ენერგია გათიშულია 22 სოფელში. დაზიანებების აღმოფხვრა მიმდინარეობს და მიწოდება ეტაპობრივად აღდგება“, - ნათქვამია გავრცელებულ ინფორმაციაში.
ხულოს მუნიციპალიტეტში დიდთოვლობის გამო პრობლემები შეიქმნა. მაღალმთიან სოფლებში თოვლის საფარი მეტრს აჭარბებს.
ხულოს მერიის ინფორმაციით, დიდთოვლობის გამო, მუნიციპალიტეტში, რეკომენდებულია მაღალი გამავლობის ავტომობილებით გადაადგილება.
“ხულოში, აქტიურად მიმდინარეობს დიდთოვლობის შედეგად გამოწვეული პრობლემების სალიკვიდაციო სამუშაოები ქარბუქისა და ცუდი ხილვადობის მიუხედავად, მთელი დღის განმავლობაში უწყვეტ რეჟიმში მიმდინარეობდა თოვლის გაწმენდითი სამუშაოები. ამ ეტაპზე იწმინდება ადმინისტრაციულ ცენტრებთან მისასვლელი გზები.
მთელი ქვეყნის მასშტაბით ამინდი მკვეთრად გაუარესდა. წუხელ თითქმის ქვეყნის ყველა რეგიონში თოვლი და ყინვა იყო. თოვლი მოვიდა როგორ თბილისის შემოგარენში, ასევე რეგიონების ნაწილში.
გარემოს ეროვნული სააგენტოს ჰიდრომეტეოროლოგიური პროგნოზების სამმართველოს უფროსის სვეტლანა ნიორაძის ინფორმაციით, უახლოეს დღეებში მოსალოდნელია ყინვა, ზოგან მინუს 14 გრადუსიც კი.
"ჩვენ 10 დეკემბერს უკვე გავავრცელეთ განცხადება საქართველოში ამინდის მკვეთრად გაუარესების შესახებ, როგორც დასავლეთ, ისე აღმოსავლეთ საქართველოში. დასავლეთ საქართველოში პროცესები უკვე დაწყებულია, ყველგან ინტენსიურად წვიმს, მთაში წვიმით დაიწყო წუხელ, დილიდან თოვლში გადადის და ყველგან გადავა. თავისთავად მაღალმთიან რაიონებშიც ითოვებს. ქარის გაძლიერებას როგორც დასავლეთ, ისე აღმოსავლეთ საქართველოში ველოდებით, მათ შორის თბილისში. ძლიერი, ჩრდილო-დასავლეთის მიმართულების ქარი იქროლებს 13-14 დეკემბერს.
14 დეკემბერს ქალაქის გარეუბნებში შესაძლებელია 28 მეტრ წამამდეც იყოს ცალკეულ მომენტებში ქარი. ზღვაზე მოსალოდნელია შტორმი, მთაში, მაღალ მთაში ძლიერი თოვა, ქარბუქი, ხილვადობის გაუარესება, ამ ყველაფრის შედეგად საავტომობილო გზების ცალკეულ მონაკვეთებზე ტრანსპორტის მოძრაობის შეზღუდვები იქნება. ასეთი ამინდი 15 დეკემბრამდე შენარჩუნდება, 15 დეკემბერს გამოიდარებს, ქარი შესუსტდება, ტემპერატურა მოიმატებს დასავლეთ საქართველოში 12 გრადუსამდე.
აღმოსავლეთ საქართველოში ჯერჯერობით ცივი ამინდი შენარჩუნდება.14 დეკემბერს ღამის საათებში ჰაერის მინიმალური ტემპერატურა დასავლეთ საქართველოს დაბლობში შესაძლოა მინუს 4 გრადუსამდე დაეცეს, აღმოსავლეთ საქართველოს ბარში მინუს -5,-10 და ზოგან(უფრო შიდა ქართლში) შეიძლება მინუს 14 გრადუსიც დაფიქსირდეს. თბილისში ღამით მინუს 5 გრადუსს ველოდებით, დღისით პლუს 2-3 გრადუსის ფარგლებში" - თქვა ნიორაძემ.
წაიკითხეთ ასევე:
- მოსალოდნელია ძლიერი ყინვა, ქარბუქი, თოვლი და შტორმი - როგორია უახლოესი დღეების პროგნოზი: სვეტლანა ნიორაძის კომენტარი
- "გამოიჩინეთ მაქსიმალური ყურადღება" - რა ხდებოდა მთელი ღამე რიკოთზე და როგორია ახლა მდგომარეობა: ფოტოები და მოქალაქეების კომენტარები
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კონექტიკურის ქუჩებში პატარა სელაპი იპვეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
