აჯანყებულებმა ბაშარ ალ-ასადის მამის საფლავი დაწვეს

სირიის დასავლეთ პროვინცია ლატაკიიდან გავრცელდა ფოტოები, რომელშიც ჩანს შეიარაღებული მეამბოხეები, რომლებიც დგანან სირიის გარდაცვლილი პრეზიდენტის ჰაფეზ ალ-ასადის ცეცხლმოკიდებულ საფლავთან.

როგორც ირკვევა, დაწვეს სირიის ჩამოგდებული პრეზიდენტის ბაშარ ალ-ასადის მამის საფლავის ნაწილი, მათ შორის კუბო, რომელიც, როგორც ჩანს, გარეთ გამოიტანეს და ცეცხლი წაუკიდეს.

უცნობია, რომელმა შეიარაღებულმა ჯგუფმა დაწვა საფლავი.

AFP-ის მიერ გავრცელებულ ფოტოზე ნაჩვენებია აჯანყებულები, რომლებიც პოზირებენ საფლავის და კუბოს დამწვარ ნაწილებთან.

ჰაფეზ ალ-ასადი სირიის პრეზიდენტი 1971 წელს გახდა და ამ თანამდებობას 2000 წლამდე სიკვდილამდე იკავებდა. ის მართავდა რკინის მუშტით, თრგუნავდა ოპოზიციას და განსხვავებული აზრის.

პრეზიდენტობა შემდეგ მისმა ვაჟმა ბაშარ ალ-ასადმა დაიკავა, რომელიც აჯანყებულთა ძალებმა 2024 წლის დეკემბრის დასაწყისში ჩამოაგდეს.