"ძირითადად ჩემს სიუჟეტებზე იყო საუბარი - რატომ აკეთებ ამას, იმას რატომ დაურეკე, ამას რატომ დაურეკე" - ბექა ყორშია გაათავისუფლეს: ის სასამართლომ 2200 ლარით დააჯარიმა

"მთავარი არხის" ჟურნალისტი ბექა ყორშია გაათავისუფლეს და ის სასამართლომ 2200 ლარით დააჯარიმა

"ისეთ რეჟიმთან ვართ ბრძოლაში შესულები რომ შეიძლება ყველაფერს მოელოდე. გარეთ ისეთი რაღაცები ხდებოდა, ჩემთან ეს ამბები შემოდიოდა ადვოკატის მეშვეობით. მინდა სოლიდარობა გამოვუცხადო ტვ პირველის გადამღებ ჯგუფს, რომლებსაც თავს დაესხნენ და საერთოდ ქართველ ჟურნალისტებს, ისინი ბრძოლის წინა ხაზზე იბრძვიან და მონსტრს და ურჩხულს ებრძვიან შიშველი ხელებით.

ნიღბიანებმა დამაკავეს, არ ვიცი განსაკუთრებულ დავალებათა დეპარტამენტიდან იყვნენ თუ რომელიმე სხვა განყოფილებიდან, მაგრამ როგორც ამ პოლიციელმა აღნიშნა სასამართლოზე, მიცნო და ეს იყო საბოლოო ჯამში ერთ-ერთი მიზეზი რის გამოც ამიყვანეს .

ძირითადად ჩემს სიუჟეტებზე იყო საუბარი - რატომ აკეთებ ამას, იმას რატომ დაურეკე, ამას რატომ დაურეკე", - ამბობს ბექა ყორშია გათავისუფლების შემდეგ.