"ვიყავი სიაში, სადაც დასაჭერად განწირული 34 ადამიანი ეწერა... პირველივე რეისით გამოვფრინდი იმ ქვეყანაში, სადაც მოვასწარი" - რას წერს რეჟისორი ნინო შაბურიშვილი

ქართველი რეჟისორი ნინო შაბურიშვილი სოციალურ ქსელში წერს, რომ მას შემდეგ, რაც გაიგო, რომ დაკავებას უპირებდნენ, საქართველო დატოვა. ქვეყნიდან წასვლაში კი მას სხვა რეჟისორი დაეხმარა, რომლის ვინაობასაც ამ ეტაპზე საიდუმლოდ ტოვებს. რეჟისორი ბოლო დღეებში თბილისში მიმდინარე აქციების აქტიური მონაწილე იყო.

ნინო შაბურიშვილი:

- დილა მშვიდობისა ჩემო განსაკუთრებულო რჩეულო ხალხო! არც კი ვიცი მოკლედ როგორ გადმოგცეთ ახლა რასაც განვიცდი! წუხელ აქციის დარბევის დაწყებიდან რამდენიმე წუთში საიდუმლოდ გამანდეს ინფორმაცია, რომ მეც ვიყავი იმ სიაში, სადაც დასაჭერად განწირული 34 ადამიანი ეწერა. მათ შორის მსახიობი ანდრო ჭიჭინაძე, როგორც იცით, უკვე დააკავეს სახლში შევარდნით და ჯგუფურ დანაშაულში ედება ბრალი.

• ჯერ კიდევ ვერ ვიჯერებ ისე სწრაფად დამეხმარა ერთ-ერთი ქალი რეჟისორი (ამ სასწაულს მომავალში აუცილებლად მოვყვები) და აქციიდანვე აეროპორტში გამაქანა, თავად მიყიდა ბილეთი და ჩემს შვილებსაც ის ანუგეშებდა რომ ავქვითინდი ფრენის წინ. მეშინოდა რომ სასაზღვრო პუნქტში დამაკავებდნენ, მაგრამ გადავრჩი და პირველივე რეისით გამოვფრინდი იმ ქვეყანაში, სადაც მოვასწარი.

ახლა ევროპაში ვარ. აქედან მჭირდება იმ ქვეყანაში ჩაფრენა, სადაც თავს უფრო უსაფრთხოდ ვიგრძნობ და დროებით პოლიტიკურ თავშესაფარს მოვითხოვ. ვისაც გაქვთ წვდომა საჭირო კონტაქტებზე, ეს ის დროა როცა დახმარება დამჭირდება, ყველანაირი…

როგორ არ მინდოდა გამოფრენა, როგორ მინდა ისევ მანდ ვიყო და თქვენ გიყუროთ, ამაყებს, მეტირება ისეთი ლამაზი საყურებელია როგორ ვიბრძვით ერთად სამშობლოს დასაცავად! ვიფიქრე რომ მეც თუ ანდროსავით წამიყენებენ მუხლს, ვერ შევძლებ ციხიდან ბრძოლას და აქედან ინფორმაციულ ომში მაინც დაგეხმარებით!!! არ დავნებდები!!! თქვენთან ვარ და გული მაქვს ამოვარდნაზე ისე მწყდება გული, რომ ბრძოლის ველი დავტოვე გთხოვთ ილოცეთ!!! გამარჯვება ერთადერთი გამოსავალია!!! ბოლომდე", - წერს ნინო შაბურიშვილი.