“ეს გმირი გია მაისაშვილის ძმისშვილია - ზვიად მაისაშვილი... ნაცებმა ბიძამისი გაიმეტეს, ქოცებმა ეს ბიჭი“ - რას წერს ირაკლი კაკაბაძე აქციაზე სასტიკად ნაცემ ახალგაზრდაზე

მწერალი, “მრავალარხიანი დიპლომატიის ინსტიტუტი - IMTD Georgia“ -ის კოორდინატორი ირაკლი კაკაბაძე, თბილისში, რუსთაველის გამზირზე აქციის მიმდინარეობისას, სპეცრაზმის მიერ სასტიკად ნაცემი ახალგაზრდის შესახებ წერს.

• მისი თქმით, დაზარალებული ზვიად მაისაშვილი ქართველი პოლიტიკოსის, გია მაისაშვილის ძმის შვილია.

“ეს გმირი ბიჭი გია მაისაშვილის ძმისშვილია - ზვიად მაისაშვილი.

ნაცებმა ბიძამისი გაიმეტეს უმოწყალოდ და ქოცებმა ეს ბიჭი. ეს კიდევ ერთხელ აჩვენებს რომ საქართველოში რუსული იმპერიალიზმის წინააღმდეგ ბრძოლას სასტიკად ვერ იტანს ხელისუფლება.

სირცხვილია ნამდვილად,“ - წერს ირაკლი კაკაბაძე.

პოლიტიკოსი და ლიდერთა სკოლის დამფუძნებელი, გია მაისაშვილი 56 წლის ასაკში გარდაიცვალა. ის რამდენიმე წლის განმავლობაში მძიმე სენს ებრძოდა. მაისაშვილს თავის ტვინის სიმსივნის დიაგნოზი 2015 წელს დაუსვეს.

აღსანიშნავია, რომ მიხეილ სააკაშვილის ყოფილი ეკონომიკური კონსულტანტი და პრეზიდენტობის ყოფილი კანდიდატი, გია მაისაშვილი მოგვიანებით ოპოზიციაში გადავიდა და “ნაციონალური მოძრაობის“ წინააღმდეგ გამოდიოდა. ერთ-ერთ აქციაზე მას სპეცრაზმი, თავის არეში სასტიკად გაუსწორდა. მაშინ მაისაშვილს ხანგრძლივი მკურნალობაც დასჭირდა.

იხილეთ ასევე:

• "იმ ბიჭის დედა ვარ, ქუჩაში რომ აგდია, დიდი თმებით და პოლიციელი სახეში ურტყამს... კადრებს არ მაჩვენებდნენ" - რა არის ცნობილი ახალგაზრდას მდგომარეობაზე
• "ზვიომ შემოგვითვალა, რომ ერთი სული აქვს როდის დადგება ისევ ჩვენ გვერდით" - ვრცელდება სპეცრაზმის მიერ ნაცემი ზვიად მაისაშვილის ფოტო