"მინდა ჩემი ბისი ჩემს ქვეყანას მივუძღვნა, იმ მამაც ადამიანებს, ვინც ამ წუთებში იბრძვიან რუსული გავლენის წინააღმდეგ" - მევიოლინე ლიზა ბათიაშვილის მიმართვა: რა ხდებოდა პარიზის ფილარმონიაში
ქართველმა მევიოლინემ პარიზის ფილარმონიაში გამართულ კონცერტზე სიტყვით გამოსვლისას ბისი საქართველოს მიუძღვნა. ამის შესახებ სოციალურ ქსელში თეონა ჯორბენაძე წერს და აღნიშნულის ამსახველ ვიდეო კადრებსაც ავრცელებს.
"ეს ხდებოდა გუშინ პარიზის ფილარმონიაში!
ლიზა ბათიაშვილმა პარიზის ფილარმონიაში გამართული კონცერტის დასასრულს მაყურებელს მიმართა და თავისუფლებისთვის მებრძოლ ქართველ ხალხს ბახის კანტატა "გიხმობ შენ, უფალო ისეო ქრისტე“ მიუძღვნა.
"მე მინდა დღეს საღამოს ჩემი ბისი ჩემს ქვეყანას მივუძვნა, იმ მამაც ადამიანებს, ვინც ამ წუთებში აქციაზე დგანან და ევროპული ფასეულობებისთვის იბრძვიან რუსული გავლენის წინააღმდეგ”, - ასე მიმართა ლიზა ბათიაშვილმა მაყურებელს.