მიმართვა გურამ კაშიას, თორნიკე შენგელიას და ვასილ ლობჟანიძეს - "ხალხს, ვინც თქვენ თხოვნას არაერთხელ გამოხმაურებია და სტადიონები გადაუვსია, თქვენი მხარდაჭერა სჭირდება"
განათლების ყოფილი მინისტრი კახა ლომაია საქართველოს ფეხბურთის კალათბურთისა და რაგბის ეროვნული ნაკრებების კაპიტნებს მიმართავს.
"გურამ კაშიას, თორნიკე შენგელიას, ვასილ ლობჟანიძეს.
თქვენ, როგორც ეროვნული ნაკრებების კაპიტნებს, არაერთხელ გითხოვიათ გულშემატკივრებისთვის, სტადიონზე მოდით და მხარი დაგვიჭირეთო.
ახლა ამ ხალხს, ვინც თქვენ თხოვნას არაერთხელ გამოხმაურებია და სტადიონები გადაუვსია, თქვენი მხარდაჭერა სჭირდება.
მათ სცემენ, თავებს უხეთქავენ, წიწაკის სპრეებით წამლავენ იმისთვის, რომ მათ თავიანთი - და თქვენი - სამშობლო რუსეთისთვის არ ემეტებათ.
მაგრამ, სიმართლე გითხრათ, მკაფიო პოზიცია (და არა ინსტაგრამ სთორებით კეკლუცობა) თქვენ უფრო გჭირდებათ. იმისათვის, რომ ხვალ გქონდეთ იმის უფლება, რომ ხალხს ისევ სთხოვოთ სტადიონზე მოსვლა.
არჩევანი თქვენზეა", - წერს ის.
შეგახსენებთ, საქართველოს პარლამენტთან მორიგი ხალხმრავალი აქცია მიმდინარეობს. ათასობით პროტესტანტი რუსთაველის გამზირზე პარლამენტის წინ მეორე დღეა აპროტესტებს პრემიერ-მინისტრ, ირაკლი კობახიძის გაცხადებას, რომლის მიხედვითაც საქართველოს ევროინტეგრაციის პროცესს 2028 წლამდე აჩერებენ. ეს განცხადება მოქალაქეების დიდმა ნაწილმა საგარეო კურსის რუსეთისკენ ცვლილების მტკიცებულებად მიიჩნია.
იხილეთ ასევე: