მნიშვნელოვანი ინფორმაცია
18
მაისიდღის ზოგადი ასტროლოგიური პროგნოზი
კვირა, მთვარის ოცდამეერთე დღე დაიწყება 02:39-ზე, მთვარე მერწყულში იქნება 09:27-დან
კარგი დღეა ფინანსური საკითხების მოსაგვარებლად; გუნდური მუშაობისთვის; ვაჭრობისთვის. კარგია საერთო მიზნისთვის გაერთიანება, მომავლის დასახვა. კარგია მგზავრობა, მივლინება; საქმიანობის შეცვლა. მოაგვარეთ საოჯახო საქმეები; დაისვენეთ. კარგი დღეა ქორწინებისა და ნიშნობისათვის. ერთგულების ფიცის დასადებად; მავნე ჩვევებისგან გასათავისუფლებლად. ნუ გადატვირთავთ ღვიძლს. გაისეირნეთ სუფთა ჰაერზე. არ დაძაბოთ და გადაღალოთ თვალები. კარგი დღეა დასვენებისთვის, შიმშილისთვის.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
მიხეილ ყაველაშვილის საფეხბურთო კარიერა, ოჯახი, განათლება - რა არის ცნობილი ბაგრატიონების სიძესა და პრეზიდენტობის კანდიდატზე
11:46 / 27-11-2024
"ხალხის ძალის“ ერთ-ერთი ლიდერი, ყოფილი ფეხბურთელი მიხეილ ყაველაშვილი "ქართული ოცნების“ საპრეზიდენტო კანდიდატია.
ის "ქართული ოცნების" საპატიო თავმჯდომარემ ბიძინა ივანიშვილმა პარტიაში გამართულ სპეციალურ ბრიფინგზე წარადგინა
რა თქვა ბიძინა ივანიშვილმა წარდგენისას?
"პატიოსნება, სამართლიანობა, პატრიოტიზმი და პრინციპების ერთგულება არის ის თვისებები, რომლებიც მიხეილ ყაველაშვილს განსაკუთრებულად გამოარჩევს. ის, თავისი ბუნებით, თუ გნებავთ, ჰაბიტუსითაც, არის ქართველი კაცის საუკეთესო განსახიერება. ის არის შესანიშნავი მეუღლე და ოთხი შვილის მამა... დარწმუნებული ვარ, მიხეილ ყაველაშვილი სრულად დაუბრუნებს პრეზიდენტის ინსტიტუტს დროებით წართმეულ ღირსებას“.
რა თქვა მიხეილ ყაველაშვილმა?
"უპირველესად დავიწყებ მადლობით. განსაკუთრებული მადლობა ბიძინა ივანიშვილს, ჩვენთვის საამაყო და გამორჩეულ პიროვნებას. ყოველთვის აღვნიშნავდი, რომ მე ამაყი და ბედნიერი ვარ, ასეთ რთულ ეპოქაში ჩვენი ქვეყნის დაცვა ამ ადამიანთან ერთად რომ მიწევს. დიდი მადლობა, რომ ეს ნდობა მომანიჭა. ასევე, მადლობა ჩემს თანამებრძოლებს, "ქართული ოცნების“ თითოეულ წევრს ნდობის გამოცხადებისთვის. რა თქმა უნდა, გათვითცნობიერებული მაქვს, რაოდენ დიდი პასუხისმგებლობაა საქართველოს პრეზიდენტის თანამდებობა მითუმეტეს იმ ფონზე, რომ მოქმედმა პრეზიდენტმა შეურაცხყო და უგულებელყო ჩვენი მთავარი დოკუმენტი - საქართველოს კონსტიტუცია და დღესაც აგრძელებს მის დარღვევას“, - თქვა მიხეილ ყაველაშვილმა.
მიხეილ ყაველაშვილი 1971 წლის 22 ივლისს ბოლნისში დაიბადა,
საფეხბურთო კარიერა
1990 წლიდან იწყება მისი წარმატებული სპორტული კარიერა. საქართველოს ნაკრების რიგებში ჩატარებული აქვს 46 მატჩი.
1988-1995 წლებში იყო "დინამო თბილისის“, ფეხბურთელი; 1994-1995 წლებში"ალანია-ვლადიკავკაზში“ თამაშობდა, 1995-1997 წლებში კი "მანჩესტერ-სიტი“ შემადგენლობაში ირიცხებოდა; 1997-1999 წლებში "გრასჰოფერის“, 1999-2002 წლებში "ციურიხის“, 2002-2003 წლებში კი "ლუცერნის“ ფეხბურთელი გახლდათ; 2003-2004 წლებში "სიონში“ თამაშობდა; 2004-2005 წლებში „არაუში“; 2004 წელს ისევ „ალანია-ვლადიკავკაზში“ დაბრუნდა; 2005-2006 წლებში კი „"გაზელის" მაისურით გამოდიოდა. ამ კლუბში დაასრულა აფეხბურთო კარიერა.
2016 წელს საზოგადოებრივი მაუწყებელი, საფეხბურთო ექსპერტი; 2009 წლიდან FiFPro, დამფუძნებელი და საპატიო პრეზიდენტი. 2006 წელს მოიპოვა შვეიცარიის სამწვრთნელო განათლების C კატეგორიის ლიცენზია; 2009 წლიდან საქართველოში მსოფლიოს ფეხბურთელთა გაერთიანების (FIFPro) დამფუძნებელი და საპატიო პრეზიდენტი; „საზოგადოებრივი მაუწყებლის“ საფეხბურთო ექსპერტი და არაერთი პუბლიკაციის ავტორი; 2014 წელს შეიმუშავა ფეხბურთის განვითარების სტრატეგია „ტალანტების ფაბრიკა“; 2016 წელს მოიპოვა უეფა-ს მწვრთნელთა განათლების B კატეგორიის ლიცენზია.
სამუშაო გამოცდილება
საზოგადოებრივი მაუწყებელი, საფეხბურთო ექსპერტი 2009
FiFPro, დამფუძნებელი და საპატიო პრეზიდენტი 2005 - 2006
საქართველოს პარლამენტის წევრია 2016 წლიდან. მე-9, მე-10 და მე-11 მოწვევის პარლამენტში ის "ქართულ ოცნებას“ წარმოადგენდა.
განათლება
პარლამენტის საიტზე მიხეილ ყაველაშვილთან დაკავშირებით განათლების გრაფა ცარიელია. "საზოგადოებრივი მაუწყებლის" ინფორმაციით, მას მიღებული აქვს შვეიცარიის სამწვრთნელო განათლების C კატეგორიის ლიცენზია, ასევე უეფა-ს მწვრთნელთა განათლების B კატეგორიის ლიცენზია.
როგორც ცნობილია, ის 1989 წელს ჩაირიცხა თბილისის სახელმწიფო უნივერსიტეტის ეკონომიკის ფაკულტეტზე, თუმცა მეორე კურსის შემდეგ სწავლა შეწყვიტა. ეს ცნობილი გახდა 2015 წელს, როდესაც ის ფეხბურთის ფედერაციის პრეზიდენტობაზე ცდილობდა კენჭის ყრას, თუმცა წესდების თანახმად ამის უფლება არ მიეცა, რადგან უმაღლესი განათლება არ ჰქონდა. იმხანად ყაველაშვილი აცხადებდა, რომ წესდებაში ეს ცვლილება შეიტანეს იმის გამო, რომ მას არ მიეღო ფედერაციის პრეზიდენტის არჩევნებში არ მიეღო მონაწილეობა.
"წესდებაში, რომელსა მე ვიცნობდი, არ იყო აღნიშნული უმაღლესი განათლება. თუ არ ვცდები, შარშან მოხდა წესდებაში ამ ცვლილების ჩუმად შეტანა. აღმასკომის სხდომაზე მოხდა ეს ცვლილება თუ როგორ არ ვიცი. დასამალი არ არის ის, რომ მე არ მაქვს დიპლომი, მეორე კურსიდან, როგორც პროფესიონალმა ფეხბურთელმა ვერ გავაგრძელე სწავლა. არ ვიცი რა ვიფიქრო, არ მინდა პირდაპირ ხელი დავადო ვინმეს. ვიღაცამ გაიგო, რომ მე არ მაქვს დიპლომი და იზრუნა იმაზე, რომ ერთ-ერთი კონკურენტი ასე მოეცილებინათ? - მე ამ კითხვას ვსვამ,"- აცხადებდა იმხანად მიხეილ ყაველაშვილი.
ის ასე აპირებდა ამის გამო სასამართლოში ეჩივლა.
ყაველაშვილის თქმით, ეს არასამართლიანი დებულება იყო.
"მსოფლიოს მრავალი ქვეყანა არსებობს, სადაც ფეხბურთის ფედერაციის პრეზიდენტს ან მაღალჩინოსანს, უმაღლესი განათლება არ აქვს. საბჭოთა კავშირის პერიოდში ისეთი სისტემა იყო, რომ წარმოუდგენელი იყო, ფეხბურთელს უმაღლესი განათლება მიეღო. ეს პრაქტიკა არსებობს მთელს მსოფლიოში. უეფას პრეზიდენტს, ბლატერსაც არ აქვს უმაღლესი განათლება. მე ვფიქრობ, რომ ეს არის განზრახ მიღებული გადაწყვეტილება, რომელიც მიმართულია ჩემს წინააღმდეგ. ამიტომ ამ გადაწყვეტილებას აუცილებლად გავასაჩივრებ სასამართლოში და ვეცდები ჩემი სიმართლის დამტკიცებას. დებულება ორი წლის შინ მიიღო ფეხბურთის ფედერაციამ და მოვითხოვ მის გაუქმებას", - აცხადებდა ყაველაშვილი .
ოჯახი
ყაველაშვილი დაოჯახებულია და ცოლად მომღერალ ლიზა ბაგრატიონის და თამარ ბაგრატიონი ჰყავს.
წყვილს სამი საერთო შვილი ჰყავთ: მარიამ ყაველაშვილი 1996 წელს ინგლისში, მანჩესტერში დაიბადა, გურამი - 2001 წელს, შვეიცარიაში, ციურიხში, მესამე შვილი - ელისაბედ ყაველაშვილი, 2013 წელს, თბილისში. თამარ ბაგრატიონს ჰყავს კიდევ ერთი შვილი, პირველი ქორწინებიდან - გიორგი ივანიშვილი, რომელიც 1989 წელს, თბილისში დაიბადა.
რა ქონებას ფლობს მიხეილ ყაველაშვილი? - იხილეთ აქ
იხილეთ ასევე:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
