მნიშვნელოვანი ინფორმაცია
17
მაისიდღის ზოგადი ასტროლოგიური პროგნოზი
შაბათი, მთვარის მეოცე დღე დაიწყება 02:13-ზე, მთვარე თხის რქაშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. ქორწინება და ნიშნობა სხვა დღისთვის გადადეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
სახლში დაბრუნების ემოციები, ცრემლები და მსოფლიოს ლიდერების გამოხმაურება - ისრაელსა და “ჰეზბოლას“ შორის ცეცხლის შეწყვეტის შეთანხმება ძალაში შევიდა
09:50 / 27-11-2024
ისრაელსა და “ჰეზბოლას” შორის ცეცხლის შეწყვეტის შეთანხმება დღეს, ადგილობრივი დროით 04:00 საათიდან ძალაში შევიდა.
The Times of Israel-ის ინფორმაციით, შეთანხმება ითვალისწინებს 60-დღიან გარდამავალ პერიოდს, რომლის დროსაც ისრაელის თავდაცვის ძალები სამხრეთ ლიბანიდან ჯარებს გაიყვანს, ლიბანის არმია მდინარე ლიტანის სამხრეთით დაახლოებით 5 000 ჯარისკაცს განათავსებს, “ჰეზბოლას“ ძალები დატოვებენ სამხრეთ ლიბანს.
ისრაელის პრემიერ-მინისტრის, ბენიამინ ნეთანიაჰუს განცხადებით, ცეცხლის შეწყვეტის ხანგრძლივობა დამოკიდებულია იმაზე, თუ რა მოხდება ლიბანში. მისი განმარტებით, ისრაელი ინარჩუნებს სამხედრო მოქმედების სრულ თავისუფლებას და თუ “ჰეზბოლა“ დაარღვევს შეთანხმებას და შეეცდება შეიარაღებას, თავს დაესხმება.
როგორ ეხმაურებიან მსოფლიო ლიდერები შეთანხმების ამოქმედებას?
“ცეცხლის შეწყვეტის შეთანხმება უზრუნველყოფს ლიბანში სიმშვიდის დასაბრუნებლად საჭირო პირობებს და საფრანგეთი და შეერთებული შტატები იმუშავებენ ცეცხლის შეწყვეტის სრულად შესრულების უზრუნველსაყოფად“, - ამის შესახებ აშშ-ის პრეზიდენტ ჯო ბაიდენისა და საფრანგეთის პრეზიდენტ ემანუელ მაკრონის ერთობლივ განცხადებაშია აღნიშნული.
ცეცხლის შეწყვეტის შეთანხმების მიღწევას მიესალმება საგარეო საქმეთა და უსაფრთხოების საკითხებში ევროკავშირის უმაღლესი წარმომადგენელი, ჯოზეფ ბორელიც.
- “ლიბანში ცეცხლის შეწყვეტის შესახებ შეთანხმება ახლო აღმოსავლეთში არსებული დამანგრეველი სიტუაციის შემსუბუქებაა. მინდა შევაქო საფრანგეთი და აშშ შუამავლობისთვის. ახლა გადამწყვეტი მნიშვნელობა აქვს ცეცხლის შეწყვეტას, როგორც ლიბანის, ასევე ისრაელის მოქალაქეების უსაფრთხოებისა და დევნილთა დაბრუნების უზრუნველყოფისთვის“, - აცხადებს ბორელი.
ევროკომისიის პრეზიდენტის ურსულა ფონ დერ ლაიენის განცხადებით, ისრაელსა და “ჰეზბოლას“ შორის ცეცხლის შეწყვეტა ძალიან დამაიმედებელი ამბავია, უპირველეს ყოვლისა კი, ლიბანელი და ისრაელელი ხალხისთვის.
“ლიბანს ექნება შესაძლებლობა, გაზარდოს შიდა უსაფრთხოება და სტაბილურობა “ჰეზბოლას“ შემცირებული გავლენის წყალობით“, - აცხადებს ევროკომისიის პრეზიდენტი.
გაერთიანებული სამეფოს პრემიერ-მინისტრის, კირ სტარმერის განცხადებით, ეს გარკვეულ შვებას მისცემს ლიბანისა და ჩრდილოეთ ისრაელის მშვიდობიან მოსახლეობას, რომლებმაც დამანგრეველი კონფლიქტისა და სისხლისღვრის დროს წარმოუდგენელი შედეგები განიცადეს.
შვედეთის პრემიერ-მინისტრის, ულფ კრისტერსონის თქმით, ეს არის “მნიშვნელოვანი ნაბიჯი მშვიდობისკენ“. ამასთან, მისი თქმით, რეგიონში სტაბილურობისა და გრძელვადიანი მშვიდობისთვის სასწრაფოდ საჭიროა ცეცხლის შეწყვეტა ღაზაშიც.
ღაზაში ცეცხლის შეწყვეტის აუცილებლობაზე საუბრობს ნიდერლანდების პრემიერ-მინისტრი, დიკ შოფიც.
“ცეცხლის შეწყვეტა საჭიროა ღაზაშიც, რათა შესაძლებელი გახდეს ყველა მძევლის გათავისუფლება, ჰუმანიტარული დახმარების მეტი ხელმისაწვდომობა და რეგიონში ძალადობის დეესკალაცია“, - აცხადებს ნიდერლანდების პრემიერი.
ირანის საგარეო უწყება
ისრაელსა და “ჰეზბოლას“ შორის ცეცხლის შეწყვეტას ირანის საგარეო საქმეთა სამინისტრო ეხმაურება და აცხადებს, რომ ლიბანში აგრესიის დასრულებას მიესალმება.
“მივესალმებით ახალ ამბავს ლიბანის წინააღმდეგ ისრაელის აგრესიის დასრულების შესახებ“, - განაცხადა საგარეო საქმეთა სამინისტროს პრესსპიკერმა, ესმაილ ბაღაიმ. მისი თქმით, ლიბანის მთავრობის, ერისა და წინააღმდეგობის მიმართ ირანის მხარდაჭერა მტკიცეა.
ემოციები ფოტოებში: რა ხდებოდა ლიბანში ცეცხლის შეწყვეტის შეთანხმების ამოქმედების შემდეგ
ისრაელის თავდაცვის ძალები სამხრეთ ლიბანის მოსახლეობას აფრთხილებს, თავიანთ სახლებში დაბრუნებისგან ჯერჯერობით თავი შეიკავონ. თუმცა, არ წყდება დევნილი მოსახლეობის ნაკადები, რომლებიც სამხრეთ ლიბანისკენ მიემართებიან.
Reuters-ი იუწყება, რომ საპორტო ქალაქ სიდონიდან, ისრაელსა და “ჰეზბოლას“ შორის ცეცხლის შეწყვეტის შეთანხმების ძალაში შესვლისთანავე, ათობით ავტომობილი სამხრეთ ლიბანისკენ გაემართა.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
