UFC-ს ქართველი ჩემპიონის ვაჟი მეგრულად ალაპარაკდა - ჰუგო-აჩე თოფურიას ვიდეო პოპულარობას იკრებს
როგორც აღმოჩნდა, UFC-ს ქართველი ჩემპიონის ვაჟი ჰუგო-აჩე თოფურია მეგრულად ძალიან კარგად საუბრობს.
სოციალურ ქსელში ძალიან პოპულარულია ვიდეო, სადაც ჰუგო ოჯახის წევრს მეგრულად ესაუბრება და შეკითხვებზე პასუხობს კიდეც. პატარა ჰუგო ყურადღების ცენტრში ხშირად ექცევა. სოციალურ ქსელში გამოქვეყნებული ფოტოებისა თუ ვიდეოების ქვეშ, ქართველი გულშემატკივრები ხშირად სთხოვდნენ ჩემპიონს, რომ მისთვის ქართული ესწავლებინა.
ილია თოფურიამ რჩეულზე, ჯორჯინა უზკატეგუიზე 2024 წლის აპრილში ესპანეთში იქორწინა. წყვილს ქალიშვილი ივლისში შეეძინა და ჰუგო თოფურია უფროსი ძმა გახდა.
"ყოველ დღე მირეკავს და მხარს მიჭერს. მშვენივრად ლაპარაკობს ესპანურად. ის კაცია. არ ვიცი, აპირებს თუ არა MMA-ში ბრძოლას. თუ ეს იქნება მისი მოწოდება, მხარს დავუჭერ, ასევე მხარს დავუჭერ სხვა ყველაფერშიც, რასაც აირჩევს ცხოვრებაში, მთავარია, ეს მას ახარებდეს. ცხოვრებაში ადამიანები ყოველთვის ეძებენ წარმატებას. რა არის ჩემთვის წარმატება? წარმატებაა, როცა კმაყოფილი ხარ საკუთარი თავით" - საუბრობდა ილია თოფურია The Independent-თან ინტერვიუში ვაჟზე.
უზკატეგუი მეწარმე და Future & Energy-ის დამფუძნებელია, რომელიც მდებარეობს ფლორიდაში, ორგანიზაცია, რომელიც ემსახურება წყლის გამწმენდი სისტემების უზრუნველყოფას. მანამდე ქალი უძრავი ქონების აგენტად და მარკეტინგის სპეციალისტად მუშაობდა.
აგვისტოში ცნობილი გახდა, რომ ილია თოფურიას უფროსი ძმა, ალექსანდრე თოფურია ოფიციალურად UFC-ის მებრძოლი გახდა.
ძმების ქართველი მშობლები ზაზა თოფურია და ინგა ბენდელიანი-თოფურია ამჟამად ესპანეთში ცხოვრობენ. ილია ორ დასთან - მარი და ანა ტლაშაძეებთან და ძმასთან - ალექსანდრე თოფურიასთან ერთად გაიზარდა.
იხილეთ ასევე:
- ქართველი "მატადორის" ძმა, საიდუმლო პირადი ცხოვრებით: რა არის ცნობილი UFC-ის მებრძოლ ალექსანდრე თოფურიაზე - "დროებით კარიერა გვერდზე გადადო და ძმის მწვრთნელი გახდა"
- ილია თოფურია და მისი მეუღლე პატარა ქალიშვილის ფოტოებს აქვეყნებენ - რას წერს ჯორჯინა დედობაზე?