ამერიკის ნაწილს ტროპიკული ქარიშხალი დაატყდა თავს - რა ხდება ვაშინგტონის შტატში

აშშ მორიგ სტიქიურ უბედურებას ებრძვის. ვაშინგტონის შტატს ტროპიკული ქარიშხალი დაატყდა თავს - სინოპტიკოსების ვარაუდით, ქარიშხალი მომდევნო დღეებში უფრო გაძლიერდება. ვაშინგტონის მოსახლეობის დიდი ნაწილი უკვე რამდენიმე დღეა ელექტროენერგიის გარეშეა. ორი ადამიანი დაიღუპა, არიან დაშავებულებიც. ყველაზე რთული ვითარებაა შტატის დასავლეთით მდებარე ქალაქებსა და დასახლებებში.

ამინდის პროგნოზირების ცენტრის თანახმად, პარასკევს, დატბორვის რისკის მე-3 დონე მოქმედებს ჩრდილოეთ სიერა-ნევადასა და სანაპირო ზოლში. წყალდიდობის შედეგად ჩაიკეტა გზები ჩრდილოეთ კალიფორნიის სონომას ოლქში, მათ შორის მის უდიდეს ქალაქ სანტა როსაში.

• დაახლოებით ათეული მცირე მეწყერი ჩამოწვა 24 საათის განმავლობაში. მათ შორის ერთი გზატკეცილზე, რამაც გამოიწვია საავტომობილო ავარია.

დაზიანებულია კრიტიკული ინფრასტრუქტურა, შეფერხებით მუშაობს საქალაქთაშორისო ტრანსპორტი, შეწყვეტილია სასწავლო პროცესი, გადაიდო საჯარო ღონისძიებებიც. კომუნალური სამსახურები მოსახლეობას უსაფრთხოების მიზნით სახლში დარჩენისკენ მოუწოდებენ. წყარო