ცნობილი ხდება ირანული სასამართლოს გადაწყვეტილება სტუდენტზე, რომელიც პროტესტის ნიშნად გაშიშვლდა - "დადგინდა, რომ ის ფსიქიკურად ავად იყო..."
BBC ქალის შესახებ, რომელიც მას შემდეგ დააკავეს, რაც უნივერსიტეტის ეზოში ნაწილობრივ გაშიშვლდა, განახლებულ ინფორმაციას ავრცელებს.
-
ირანში აცხადებენ, რომ სტუდენტი, რომელმაც გავრცელებული ინფორმაციით, პროტესტის ნიშნად სამოსი ნაწილობრივ გაიხადა და ქუჩაში სეირნობდა, ბრალის გარეშე გაათავისუფლეს.
პლატფორმა X -ზე ვრცელდება აჰო დარიაეის სხვა ფოტოებიც
“დადგინდა, რომ ის ფსიქიკურად ავად იყო და საავადმყოფოში გაგზავნეს. ამჟამად ქალი ოჯახს დაუბრუნდა. მის წინააღმდეგ სასამართლო საქმე არ აღძრულია“, - თქვა სასამართლოს სპიკერმა ასგარ ჯაჰანგირმა.
ნოემბრის დასაწყისში, სოციალურ მედიაში გავრცელდა ვიდეო, სადაც ჩანდა, რომ ქალი, რომელსაც BBC Persian აჰო დარიაეის უწოდებს, საუნივერსიტეტო კამპუსში გაშიშვლდა და ქუჩაში ამ ფორმით სეირნობდა. სტუდენტმა პროტესტი ამ ფორმით გამოხატა მას შემდეგ, რაც უნივერსიტეტის უსაფრთხოების წარმომადგენელმა, ჰიჯაბის არასწორად ტარების გამო შენიშვნა მისცა.
მოგვიანებით ირანის მართლმსაჯულების სპიკერმა განაცხადა, რომ ქალი იძულებითი დაკავების შემდეგ საავადმყოფოში სამკურნალოდ გადაიყვანეს.
არსებული ინფორმაციით, ის უკვე ოჯახს დაუბრუნდა და ბრალი არ აქვს წაყენებული.
მის დაკავებას საერთაშორისო რეაქცია მოჰყვა, მათ შორისაა Amnesty International უპირობო გათავისუფლებას ითხოვდა.
იხილეთ ასევე: