მნიშვნელოვანი ინფორმაცია
19
მაისიდღის ზოგადი ასტროლოგიური პროგნოზი
ორშაბათი, მთვარის ოცდამეორე დღე დაიწყება 02:56-ზე, მთვარე მერწყულშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. ქორწინება და ნიშნობა სხვა დღისთვის გადადეთ. გაფრთხილდით, მოსალოდნელია ტრავმები და მოტეხილობები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ცნობილი რუსი ბალერონი გაურკვეველ ვითარებაში გარდაიცვალა - რას წერს მედია?
16:33 / 18-11-2024
რუსული ბალეტის სამყარო გამორჩეული ვარსკვლავის, 39 წლის ვლადიმერ შკლიაროვის გარდაცვალებას გლოვობს.
მედიის ინფორმაციით, შკლიაროვი შაბათს გაურკვეველ ვითარებაში გარდაიცვალა. როგორც მედიას სანკტ-პეტერბურგის “მარიინსკის ოპერისა და ბალეტის თეატრის“ თანამშრომლებმა განუცხადეს, ის შენობის მეხუთე სართულიდან გადავარდა.
“ეს არის უზარმაზარი დანაკარგი არა მხოლოდ პერსონალისთვის, არამედ მთელი თანამედროვე ბალეტისთვის. ვუსამძიმრებთ ხელოვანის ოჯახს, ახლობლებს, მეგობრებს და მისი ნიჭის მრავალრიცხოვან თაყვანისმცემლებს“, - ნათქვამია თეატრის მიერ გავრცელებულ განცხადებაში, რომელშიც აღნიშნავენ, რომ შკლიაროვი ტკივილგამაყუჩებლებს იღებდა.
შემთხვევას სამართალდამცველები იძიებენ.
“მარიინსკის“ ოპერისა და ბალეტის თეატრის დირექტორი, შკლიაროვი დაქორწინებული იყო მოცეკვავე მარია შკლიაროვზე. წყვილს ორი შვილი ჰყავს.
ბალერონი დაიბადა იმჟამინდელ ლენინგრადში, სწავლობდა ვაგანოვას სახელობის რუსული ბალეტის აკადემიაში, რომელიც 2003 წელს დაამთავრა. იმავე წელს შეუერთდა “მარიინსკის“ თეატრს, ხოლო 2011 წელს დირექტორი გახდა.
ის ცეკვავდა რამდენიმე სპექტაკლში. მათ შორის შესრულებული აქვს სოლო პარტიები ისეთ სპექტაკლებში, როგორიცაა: ჟიზელი, მძინარე მზეთუნახავი, დონ კიხოტი, გედების ტბა და რომეო და ჯულიეტა.
შკლიაროვი გამოდიოდა მსოფლიოს პრესტიჟულ დარბაზებში, მათ შორის სამეფო ოპერის თეატრში ლონდონში და მეტროპოლიტენ ოპერაში ნიუ-იორკში.
მას სიცოცხლის განმავლობაში მიღებული აქვს რამდენიმე პრესტიჟული ჯილდო. 2020 წელს კი რუსეთის დამსახურებული არტისტის წოდება მიენიჭა.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
